ଶ୍ରୀ ଗୁଣ୍ଡିଚା

ରାଜା ଇନ୍ଦ୍ରଦ୍ୟୁମ୍ନ ମହୋଦଧି କୂଳେ 

     ଗଢିଲେ ଶିରିମନ୍ଦିର 

ବୃଦ୍ଧ ବେଶୀ ନିଜେ  ନିର୍ମାଣିଲ ପ୍ରଭୁ 

     ରୁଦ୍ଧ କରି ଯେ ଦୁଆର ll

      

ଅଧାଗଢ଼ା ହୋଇ  ରହିଗଲ ବିଶ୍ବେ 

     ଲେଖିଥିଲା ଯାହା ବିହି 

ବରଷକେ ଥରେ   ଟାଣନ୍ତି ଭକତେ 

     ରଥ ଉପରେ ବସାଇ ll

ତ୍ରିଭୁଵନ ଲୋକେ ଦେଖନ୍ତି ଏ ଲୀଳା 

      ଅପୂର୍ବ ସେ ଶୋଭାକାନ୍ତି 

ଆଷାଢ ଶୁକଳ ଦ୍ବିତୀୟାରେ ଯାତ

     ଶ୍ରୀ ଗୁଣ୍ଡିଚା ନାମେ ଖ୍ୟାତି ll

ମାଉସୀ ମାଆର କୋଳେ ରହି ପ୍ରଭୁ 

      ନଅ ଦିନ ବିତାଇବ

ବଡ ଭାଇ ସଙ୍ଗେ ଭଉଣୀ ସୁଭଦ୍ରା 

      ପୋଡ଼ପିଠା ଖାଉଥିବ ll

      

ଗୁଣ୍ଡିଚା ରାଣୀଙ୍କ ମନରଖି ପ୍ରଭୁ 

     ଫେରିବ ଶିରିନଅର 

ଧନ୍ୟ ପ୍ରଭୁ ତୁମ  ମାନବୀୟ ଲୀଳା 

     ଧନ୍ଯ ମହିମା ଅପାର ll