ଶ୍ରୀ ଗଣେଶ

ଜୟ ଜୟ ଶ୍ରୀ ଗଣେଶ

   ବିଘ୍ନ ବିନାଶନ ପ୍ରଭୁ ଗଜାନନ

ତୁମର କୃପାରେ ସଫଳତା ମିଳେ

   ଦିଅ ବିଦ୍ୟା ବୁଦ୍ଧି ଜ୍ଞାନ ।।

ଏକ ଦନ୍ତ ଗଣପତି 

    ତୁମ ପୂଜାରେ ଅଭୀଷ୍ଟ ପ୍ରାପ୍ତି 

      କରାଅ ସବୁ ବିଘ୍ନ ହରଣ ।

ମାତା ପାର୍ବତୀ ହାତେ ଗଢିଲେ 

     ବାବା ଶିବଙ୍କଠୁ ବର ପାଇଲେ 

       ତୁମ ପୂଜା ପରେ ଅନ୍ୟ ।।

ଭାଦ୍ରବ ମାସ ଶୁକ୍ଳ ଚତୁର୍ଥୀ 

     ବିଧି ବିଧାନେ ପୂଜା କରନ୍ତି 

       ବିଦ୍ୟାର୍ଥୀ ଓ ସଭିଜନ ।

ବିଦ୍ୟା ଆରମ୍ଭରେ ତୁମ ଚରଣେ 

      ଖଡ଼ି ଛୁଆଁ କଲେ ମନ ଓ ଧ୍ୟାନେ 

        ସଫଳ ହୁଏ ତା ଜୀବନ ।।

ନଡ଼ିଆ, କାକୁଡ଼ି, ରାଶି ଲଡୁ 

      ନୈବେଦ୍ୟ ଭାବେ ପାଶେ ବାଢୁ 

        ହୋଇଥାଏ କଳସ ସ୍ଥାପନ ।

ଫୁଲ, ଦୀପ, ଧୂପ, ଅକ୍ଷତ 

      ଘିଅ, ଦୁବ, ପଞ୍ଚାମୃତ 

       କରି ଅର୍ପଣ କରୁ ଆବାହନ ।।

ବାପା, ମା ଶ୍ରେଷ୍ଠ କଲ ପ୍ରମାଣ 

       ତାଙ୍କ ସହ କେ ନୂହେଁ ସମାନ 

         ମୂଷିକ ବାହାନେ କରି ଭ୍ରମଣ ।

ଗଣେଶ ଗାୟତ୍ରୀ ନିତି 

       ସବୁ ବିଦ୍ୟାର୍ଥୀ କରିଲେ ସ୍ତୁତି 

         ମନ ବାଞ୍ଛା ହୁଏ ପୂରଣ ।।

ଆସିଲେ ବିପତ୍ତି ହେ ଗଣପତି 

       ଦେଇ ଥାଅ ଜ୍ଞାନ ବୁଦ୍ଧି 

        ତ୍ରାହି କରି ଥାଅ ଦୁରେଇ ବିଘ୍ନ ।

ହେ ବିନାୟକ ଶୁଣ ମୋ ଡାକ 

      ପାର କରି ଦିଅ ଖାଲ ଢିପ 

       ତୁମ ବିନା ମୋର ନାହିଁ କେ ଆନ ।।