ଶପଥ

ବାପଘର ପୁଞ୍ଜି ସବୁ ମୁଁ ବରଜି

ତୁମ ହସ୍ତେ ଦେଲି ହସ୍ତ

ତୁମେ ମୋ ଦେବତା ତୁମେ ମୋ ବିଧାତା

କୈଶୋର ହୋଇଲା ଅସ୍ତ ।

ଦୁଇକୁଳ ହିତା ଅଟେ ମୁଁ ଦୁହିତା

ପିତ୍ରାଳୟ ଯାଏ ଛାଡି

କର୍ମ ଭୂମି ମୋର ନିଜ ଶାଶୁଘର

ସୁଖେ ଯିବି ପାଦ କାଢି ।

ଦିଅରକୁ ମୋର ଭାଇର ସମ୍ମାନ

ନଣନ୍ଦ ଭଗୀନି ପରି

ମୋ ଶାଶୁ ଶ୍ବଶୁର ପିତାମାତା ସମ

ସ୍ବାମୀ ମୋ ଦେବତା ସରି ।

ହୋଇ ଅର୍ଦ୍ଧାଙ୍ଗିନୀ ଜୀବନ ସଙ୍ଗିନୀ

ଚଳାଇ ସଂସାର ନାବ

ସ୍ବାମୀ ସେବା କରି ହେବି ଭବୁ ପାରି

ପାଦପଦ୍ମେ ରଖି ଭାବ ।

ଆଗୋ ମୋର ପ୍ରିୟ ହୋଇଣ ସଦୟ

ଶପଥ କର ମୋ ପାଶେ

ଦଶଗୋଟି ଦୋଷ କ୍ଷମିବ ଅବଶ୍ୟ

ଅବଳା ମୁଖରେ ଭାଷେ ।