ଶିଶୁ

କୋମଳ ସୁନ୍ଦର ଶିଶୁ ସୁକୁମାର

   ଶିଶୁ ଅମୃତର କଣ

ଶିଶୁ ତାରାଫୁଲ ସରଗ ଆଶୀଷ

   ଶିଶୁ ସ୍ୱୟଂ ଭଗବାନ ।

ସରସ କୈ।ତୁକ ଶିଶୁ ମୁହଁ ହସ

   ଚନ୍ଦନ ଶୀତଳ ସମ

ପ୍ରାଣକୁ କରଇ ଆନନ୍ଦ ଉତ୍ଫୁଲ୍ଲ

  ସୁଖେ କଟେ ଦୁଃଖ ଦିନ ।

ଶିଶୁର ଦରୋଟି ଗୁଲୁଗୁଲୁ କଥା

   ପେଟ ଆଣ୍ଠୁ ଭାରେ ଠିଆ

ଚାଲି ଠୁକୁଠୁକୁ  ବେଶ ମନୋହର

  କୋଳ ଶିଶୁ ମନଲୋଭା ।

ମଣିଷ ଜୀବନେ ସେନେହ ମମତା

   ଶିଶୁ ସୁଦୃଢ ବନ୍ଧନ

ସୁମହତ କାର୍ଯ୍ୟ ଲାଳନ ପାଳନ

   ଶିଶୁ ସୁଖ ବର୍ତ୍ତମାନ ।

ଶିଶୁ ନିରାପତ୍ତା ଶିଶୁର ଚିକିତ୍ସା

   ଖାଦ୍ୟ ପେୟ ଉପଯୁକ୍ତ

ସବୁ ମାତାପିତା ଲୋଡ଼ନ୍ତି ସଂସାରେ

   ହେଉ ସୁବ୍ୟବସ୍ଥା ପ୍ରାପ୍ତ ।

ଶିଶୁ ଭବିଷ୍ୟତ ଦେଶ ଓ ଜାତିର

    ଶୈଶବ ଲୋଡ଼େ ପ୍ରଯତ୍ନ

ସୁସଭ୍ୟ ସମ୍ପନ୍ନ ସମାଜେ ସମ୍ଭବେ

    କନ୍ୟା ରତ୍ନ ସୁସନ୍ତାନ ।