ଶିକ୍ଷାର ମୂଲ୍ୟ
ଶିକ୍ଷାର ମୂଲ୍ୟ
1 min
112
ମୋତେ ପାଇ ଖୁସି ଯେତେ ଜ୍ଞାନୀ ଗୁଣୀ
ପରିଚୟ ଦିଏ ମୁହିଁ
ନଥାଏ ଯା' ପାଶେ ମୂର୍ଖ ତାକୁ ଭାଷେ
ସଭାରେ ଅଲୋଡ଼ା ସେହି ।
ମୋତେ ଦେଇ ଦାନ ହୁଅନ୍ତି ମହାନ
ସଭିଏଁ ଭାଷନ୍ତି ଗୁରୁ
ଦେଖି ଦେଲେ କେହି ଗୁରୁ ବୋଲି କହି
ସମ୍ମାନ ଜଣାନ୍ତି ଦୂରୁ ।
ଧନ ଦେଇ କେହି କିଣି ନ ପାରଇ
ଅଭ୍ୟାସରେ ମିଳେ ସିଦ୍ଧି
ଗୁରୁଙ୍କ ଚରଣେ ଭକତି ବଳରେ
ମିଳିଥାଏ ଯଥାବିଧି ।
ରାଜା ପାଏ ପୂଜା ଉଡଇ ତା ଧ୍ବଜା
ଆପଣା ରାଇଜେ ଜାଣ
ମୁଁ ଥିଲେ ସାଥିରେ ଦେଶ ବିଦେଶରେ
ଯଶ ଲଭେ ଗୁଣି ଜନ ।
ନୁହେଁ ମୁହିଁ ପଣ୍ୟ ଜାଗହେ ବରେଣ୍ଯ
ତଉଲନା ମୋତେ କେହି
ଥିଲେ ତୁମ ନିଷ୍ଠା ଅନନ୍ତ ସାଧନା
ଖୁସି ହେବ ମୋତେ ପାଇ ।