ଶୀତ

ବର୍ଷ ପରେ ମାସ ହୁଏ ଆଗମନ 

  ଆସେ ଏକ ଋତୁ ସେତ 

ହେମନ୍ତ ଋତୁକୁ ବିଦାୟ ଦେଇଣ 

 ଧରା ପୃଷ୍ଟେ ଆସେ ଶୀତ l 1l

ମାର୍ଗଶିର ମାସ ମାଘ ମାସ ଶେଷ 

  ଶୀତ ଅନୁଭୂତ ହୁଏ 

ହିମାଦ୍ରୀ ଗହ୍ୱରୁ ହିମର ପ୍ରଭାବ 

  ଆନନ୍ଦ ଖେଳାଇ ଥାଏ l2l

ପ୍ରକୃତି ରାଜ୍ୟରେ ପରିବର୍ତ୍ତନରେ 

 ବୈଚିତ୍ର୍ୟ ମଣ୍ଡିତ ଦୃଶ୍ୟ 

ଶୀତ କlଳ ରାତ୍ରି ବଡ ହୋଇଥାଇ 

  ଛୋଟ ହୁଅଇ ଦିବସ l3l

ଦିଗ ବଳୟର ଧୂଆଁଳିଆ ଦୃଶ୍ୟ 

  କୁହୁଡ଼ିରେ ପରିପୂର୍ଣ୍ଣ 

ପ୍ରାତଃ କାଳରେ ଯେ ସୂର୍ଯ୍ୟୋଦୟ ଅଟେ 

 ହୋଇଥାଏ ବିଳମ୍ବିତl 4l

ଶୀତ କାଳୀନର ପଲ୍ଲୀର ପ୍ରଭାତ 

  ନିରସ ଶିଶିର ସ୍ନାତ 

ଶୀତ କାକରକୁ ଖାତିରି ନ କରି 

 କୃଷକ ଚଞ୍ଚଳ ଚିତ୍ତ l 5l

କୃଷକ ପ୍ରତ୍ୟୁଷୁ ଗମନ କରଇ 

  ସୁନାର ଖେତକୁ ତାର 

ଜରାଜୀର୍ଣ୍ଣ ବୃଦ୍ଧ ଆବlଳ ବନିତା 

  ପୁଆଳ ଜାଳେ ଦାଣ୍ଡର l 6l

ପ୍ରାତଃ ସ୍ନାନ ସାରି ନବ ବଧୂ ପୁଣି 

   ହୁଅଇ ସେ ଗୃହ ମୁଖି 

ବାଡ଼ି ବଗିଚାରେ ଗେଣ୍ଡୁ ଫୁଲ ମାନ 

  ଶୀତ ଗୁରୁବାର ସାକ୍ଷୀ l7l

ପେଟ ପୁରା ଖାଦ୍ୟ ଖାଇଣ କୃଷକ 

  ସୁନାର କ୍ଷେତକୁ ଯାଇ 

ମନ ଭୂଲାଣିଆ ଗ୍ରାମୀଣ ସଂଗୀତ 

  ମୂର୍ଚ୍ଛନା ସାଙ୍ଗକୁ ଦେଇ l 8l

ସୋରିଷ କିଆରୀ ହଳଦୀ ରଙ୍ଗର 

  ସେ ସୌନ୍ଦର୍ଯ୍ୟର ଦୃଶ୍ୟ 

ସ୍ନିଗ୍ଧ ମଞ୍ଜୁଳର ପରିବେଶ ସୃଷ୍ଟି 

  ସୂର୍ଯ୍ୟ ରଶ୍ମିର ପରଶ l9l

ଶୂନ୍ୟ ଖଳା ବାଡ଼ି ଧେନୁ ହଁମା ରଡି 

  କଳେଇ ଗଦାରେ ପୂର୍ଣ୍ଣ 

ଶୀତ ରାତ୍ରିର ସେ ନିର୍ଜନତା ପ୍ରାଣ 

   ସିଂହରଣ କରେ ମନ l 10l

ପର୍ବ ପର୍ବାଣୀରେ ରସବନ୍ତ କରେ 

   ଗ୍ରାମ ଭୂମି ଉନ୍ମାଦିତ 

ନବ ଫସଲର ପ୍ରଚୁଯ୍ୟରେ ପୂର୍ଣ୍ଣ 

   ପ୍ରାଣ ହୁଏ ପୁଲକିତ l 11l

ପୋରୁଆଁ ସନ୍ତାନ ସନ୍ତତିଙ୍କ ପାଇଁ 

   ପ୍ରଥମାଷ୍ଟମୀ ପାଳିଥାନ୍ତି 

ସାମ୍ବ ଦଶମୀକୁ ଧନୁ ସଂକ୍ରାନ୍ତି ସେ 

   ଆସେ ମକର ସଂକ୍ରାନ୍ତି l12 l

ସରସ୍ୱତୀ ପୂଜା ମନlନ୍ତି ଯେ ମଜା 

   ନବ ବସ୍ତ୍ର ପରିଧାନ 

ସବୁରି ଜୀବନେ ପୂର୍ଣ୍ଣତା ଉଲ୍ଲାସ 

   ଲଭିଥାନ୍ତି ଦିବ୍ୟ ଜ୍ଞାନ l 13l