ଶିବ ମହିମା

ତୁମେ ଅସରନ୍ତି ସୁଖର କାମନା

ଆଲୋକିତ କରୁଅଛ

ଉଦ୍ଭିଦ ଓ ପ୍ରାଣୀଙ୍କୁ।

ତୁମେ ତ ଦୂର ଦିଗବଳୟେ 

ନୃତ୍ଯରତା ପୁରୁଷ ପରି

ସତ୍ଯର କୁହୁକ।

ଭୋଳାରେ ଭୋଳାରେ ବିଭୋର ବୋଲି ତ 

ଶିବ ମହିମା ଅନନ୍ତ ଅପାର।

କରି କରାଉଛ ଶୟନେ ସ୍ବପ୍ନରେ

ଯେମିତି ହସ ଆଉ କାନ୍ଦ

ଆଲୋକ ଓ ଅନ୍ଧାର

ବଞ୍ଚିବାକୁ ନିଶାରେ ନିଶାରେ।

ଭୋଳାରେ ଭୋଳାରେ ବୋଲି ତ

ଶୁଭାଶିଷ ଦିଅ

ବୁଝ କି ଭଲ ଅବା ମନ୍ଦ?

ଆଜି ପଡୁଛି ଉଠୁଛି 

ପ୍ରତି ଶୈବପୀଠ ଏବଂ ପରିବେଶ।

ତୁମେ ଚାହିଁଲେ 

ନିଦାଘ ଦାରୁଣରେ ବର୍ଷା 

ଆଉ ବର୍ଷାରେ ବି ନିଦାଘ ଦାରୁଣ।

ହେ ଶିବ !

ତୁମକୁ ଶତକୋଟି ପ୍ରଣାମ

ତୁମ ଇଛା,ସ୍ବପ୍ନ ଓ ମହିମା ସାକାର ହେଉ

ଭରିଦିଅ ଆକାଶେ କୁସୁମ ଓ ଆକାଶେ ଆଲୁଅ

ପ୍ରତି ହୃଦେ ଖେଳିଯାଉ ସବୁଜିମା।

ନଚାଇ ଦିଅ ଗୋଟେ ଗୋଟେ ଜହ୍ନ

ପ୍ରତି ପ୍ରାଣେ କୁରୁଳି ଉଠୁ

ଏ ବସନ୍ତ ଉତ୍ସବେ।