ଶେଷ ଶ୍ରାବଣ

ଶେଷ ଶ୍ରାବଣ ମୁଁ ଦିନେ ଫେରି ଆସିବି

ପୁଣି ଶେଷ ଶ୍ରାବଣ ନେଇ

ମେଘର ପାଲିକି ଆଉ

ସୁସଜ୍ଜିତ ବାଦଲର ମାଳ ସହ

ଦଳ ଦଳ ହୋଇ ଉଡୁଥିବା ପକ୍ଷୀ

ହଠାତ୍ ଖସିପଡିବେ ଆକାଶୁ

ଝରି ପଡିବ ପୁଣି ସେ ଗଙ୍ଗଶିଉଳୀ 

ଭୀଷଣ ଶବ୍ଦ ସହିତ

ଆଉ ହେବ ଏକ ନୂତନ ଋତୁର ଆର୍ବିଭାବ। 

ଇତିହାସର ଅନ୍ତ୍ଯାବସ୍ତା 

ସେଦିନର ଗଳାଫଟା ଚିତ୍କାର 

ମସୃଣ ହାତର ରକ୍ତଛିଟା

ଧୋଇହୋଇ ଯାଇଥିଲା

ବେଦନାର ଲୁହରେ । 

ପ୍ରବେଶ ଦ୍ବାରକୁ ଚାହିଁରହି

ଆଖିର ଲୁହ ବି ପ୍ରଶମିତ 

ଫେରିଲା ସେ ହେଲେ

ପୁଣି ସହହିବାକୁ ପଡିଲା ଅସହ୍ୟ ବେଦନା

ବନ୍ୟା ର ଆଗମନରେ । 

ଅନଳର ପରଶକୁ ପ୍ରଶମିତ କରିବାକୁ ଯାଇ

ଫୁଟିଥିଲା କଦମ୍ବ ପୁରେ ପୁରେ 

ଅନୁଭବ ହେଲା ସେଦିନ

ଆକାଶୁ ବି ଝରିପାରେ ଅନଳ

ଆଉ ଜଳ ବି ଜାଳିପାରେ କମଳ

ତଥାପି ଅପେକ୍ଷା ଥିଲା ଶେଷ ଶ୍ରାବଣକୁ ।