ଶେଷ ଦେଖା

ତୁମେ ସାଥେ ମୋ'ର

ଶେଷ ଦେଖା ହୋଇଥିଲା...

ବାଣୀବିହାର ର କେଂଟିନରେ,

ଯୁକ୍ତ ତିନି ଶେଷ ବର୍ଷର ଶେଷ ପରୀକ୍ଷା ଦିନ |

ହଁ ସାକ୍ଷୀଥଲା ...

ସେଇ ଅଦିନିଆ ବର୍ଷା ଓ

ତୁମ ସାଙ୍ଗ ପାୟଲ,ମଧୁସ୍ମିତା ଏବଂ

କେଂଟିନର ରାମୁ ମଉସା... |

ଆଜି ବି ସେ କେଂଟିନକୁ ଗଲେ

ରାମୁ ମଉସା ପଚାରନ୍ତି.....

'ଅଙ୍କିତା' କେମିତି ଅଛି???

'ଅଙ୍କିତା' ସହ ତୁମର ଦେଖାହୋଇଥିଲା?????

ମୋ ଆଖିରୁ ଲୁହ ଝରିପଡ଼େ

ଥପ ଥପ ହୋଇ...|

ଆଉ କୁହନ୍ତି....

କିଏ ଜାଣିଥିଲା ଯେ,

ଅଦିନିଆ ବର୍ଷାରେ ଅଜାଣତେ ଭିଜିଲେ ବି

ବିଛେଦର ଜ୍ୱର ହୋଇଯିବ

ଅବିଶ୍ୱାସର ଟିପ ଟିପ ପାଣିରେ.... |

ଜାଣିଛ ପ୍ରିୟା !!!

ତୁମ ସାଙ୍ଗ ପାୟଲ ଆଉ ମଧୁସ୍ମିତାର ତ

ଆଦୌ ଦେଖାନାହିଁ,

ଆଉ ସେଇ ଦିନ ଠାରୁ ସେମିତିକା

ଅଦିନିଆ ବର୍ଷାର ବି.... ||