ଶବ୍ଦରୁ ସୃଜନ-5 : ନୀରବ ଝ୍ଡ଼ : ଗୀତି-କବିତା : ନିରବ ଝଡ଼ରେ ହୋଇଯାଏ ଦିଗହରା

 ଆଖିରେ ତୁମର ଭରିଛି କୁହୁକ ଚାହାଣି କପଟ ଭରା,  

ତଥାପି ତୁମକୁ ନଦେଖିଲେ ଦିନେ ଲାଗେ ଯୁଗଟାଏ ପରା |(ଘୋଷା)

କଥା କହୁଥାଅ ବଙ୍କେଇ ବଙ୍କେଇ,

ଭଲପାଅ ବୋଲି ଜାଣିପାରେ ନାହିଁ |

ତଥାପି ତୁମରି ହାତରେ କାହିଁକି ବାରବାର ଦିଏ ଧରା |

ଆଖିରେ ତୁମର ଭରିଛି କୁହୁକ ଚାହାଣି କପଟ ଭରା,  

ତଥାପି ତୁମକୁ ନଦେଖିଲେ ଦିନେ ଲାଗେ ଯୁଗଟାଏ ପରା | (1)

ଜଳୁଛ ତ ତୁମେ ନିଆଁ ପିଣ୍ଡ ହୋଇ,

ଜାଣେ ସେ ନିଆଁରେ ଜଳିଯିବି ମୁହିଁ |

ସବୁଜାଣି ମୁହିଁ ନିରବ ଝଡ଼ରେ ହୋଇଯାଏ ଦିଗହରା |

ଆଖିରେ ତୁମର ଭରିଛି କୁହୁକ ଚାହାଣି କପଟ ଭରା,  

ତଥାପି ତୁମକୁ ନଦେଖିଲେ ଦିନେ ଲାଗେ ଯୁଗଟାଏ ପରା || (2)