ଶାରଦା
ଶାରଦା
1 min
294
ଜନ୍ମ ହେଲା ପରେ ମା ଦୁଧ ପିଇ,
ପିତା ସ୍ନେହେ ମୁଁ ହୋଇଲି ଗେଲି,
ମାଟି ଉପରେ ପାଦ ଦେଲାପରେ,
ମା ନିର୍ଦେଶରେ ପାରିଲି ଚାଲି ।
କାନ୍ଦିବା ପରେ ହସିବା ଶିଖିଲି,
ମା ଡାକ ଆଗ ବୁଝିଲି ପାରି,
ଅ ଆ ଠାରୁ ଅକ୍ଷ ୟଲ ଶିଖି,
ଚାଟଶାଳୀ ପାଠ ପାରିଲି ଧରି ।
ଦିନ ସାଥେ ସାଥେ ବୟସ ବଢ଼ିଲା,
ବଢିଗଲା ମୋର ଶରୀର ଅଙ୍ଗ,
କଥା ଅଙ୍ଗିଭଙ୍ଗି ଚାହାଣି ବଦଳି,
ବଦଳି ଗଲା ମୋ ଚାଲିର ଢ଼ଙ୍ଗ ।
ରାସ୍ତା କଡରେ ବାଳୁଙ୍ଗା ଟୋକାଏ,
ହେଣ୍ଟାଳ ସମ ରହିଲେ ଚାହିଁ,
ଭଗବାନ୍ କିଆଁ ଦେଲା ଏ ଶରୀର,
ରାମ୍ପି ରୁମ୍ପି ମତେ ଯିବେକି ଖାଇ ।
କୁନ୍ଦୁଲି ଭଳି ହେବକି ମୋ ଦଶା,
ପୁଣି ହେବ ମୋର ଶରୀର ବଣ୍ଟା,
କେବେ ଆସିବୁ ତୁ ମହିଷା ମର୍ଦ୍ଧିନି,
ଜଗିଛି ମାଆ ଲୋ ସମୟ କଣ୍ଟା ।