ସଦ ଗୁରୁ

ଧନ ଲୋଡ଼ା ନାହିଁ ପ୍ରଭୁ ଜନ ଲୋଡ଼ା ନାହିଁ

ଦିଅ ମୋତେ ସଦ ଗୁରୁ ଆତ୍ମ ଜ୍ଞାନ ପାଇଁ

ଅଜ୍ଞାନ ଅନ୍ଧକାରେ ନିତି ଘୁରି ବୁଲେ

ଜ୍ଞାନାଲୋକରେ ଭିଜିବି ଗୁରୁ କୃପା ବଳେ

ମାନ ଲୋଡ଼ା ନାହିଁ ପ୍ରଭୁ ଯଶ ଲୋଡ଼ା ନାହିଁ

ଦିଅ ମୋତେ ସଦଗୁରୁ ଆତ୍ମଜ୍ଞାନ ପାଇଁ

ଗୁରୁ ମୋ ନାବିକ ମୁ ଏକ ନାବ

ପାରି କରିନେଲେ ତରି ଯିବି ଭବ

ପୂଣ୍ୟ ଜାଣେ ନାହିଁ ପ୍ରଭୁ ଧର୍ମ ଜାଣେ ନାହିଁ

ଦିଅ ମୋତେ ସଦଗୁରୁ ଆତ୍ମ ଜ୍ଞାନ ପାଇଁ

ମୋହ ମାୟାରେ ପଡି ସବୁ ତ ଭୁଲିଛି

ନିଜେ ନିଜକୁ କେବେ ଦିନେ ନ ବୁଝିଛି

ସୃଷ୍ଟି ଜାଣି ନାହିଁ ପ୍ରଭୁ ସ୍ରଷ୍ଟା ଜାଣି ନାହିଁ

ଦିଅ ମୋତେ ସଦଗୁରୁ ଆତ୍ମଜ୍ଞାନ ପାଇଁ