ସ୍ୱପ୍ନ ପ୍ରଜାପତି

ଲାର୍ଭାରୁ ଅସ୍ତବ୍ୟସ୍ତ ହୋଇ

ବାହାରି ତ ଆସିଲି,

ଇଚ୍ଛା ଥିଲା ସାତ ରଙ୍ଗର ସ୍ୱପ୍ନ ଲେସିହୋଇ 

ଡେଣାରେ ରଙ୍ଗବେରଙ୍ଗର,

ବିମୋହିତ କରନ୍ତି 

ତୁମ ବିଦଗ୍ଧ ମନକୁ

ସଫେଦ୍ କାନ୍- ଭାସରେ ତୁମର

ଅାଙ୍କନ୍ତି ରଙ୍ଗୀନ ଛବି

ମୁଁ ବି ହୁଅନ୍ତି ଜୀବନ୍ତ

ଆଉ ସତ !!

ତୁମେ ଦେଖି ନ,

ଆଉ ପ୍ରତିଥର ପୁନର୍ଜନ୍ମ ନେଇ

ଉଡି ବୁଲୁଛି 

ଫୁଲ କୁ ଫୁଲ ,

ବଶୀଭୂତ କରିବାକୁ !!

କାଳେ ସମ୍ମୋହିତ ହୋଇ

ଆପୁଲକ୍ ଚାହିଁଵ,

ଆଗ୍ରହୀ ହେବ ,

ଆଉ ମୁଁ ଧରା ଦେବି

ଚିରକାଳ ତୁମର ହିଁ ହେବି ,

ମୋତେ ପାଇବାକୁ କାହିଁ ସେ ଉତ୍ତେଜନା

କାହିଁ ସେ ବ୍ୟାକୁଳତା ତୁମର ??