ରଥ ସଜ କର ସଅଳ
ରଥ ସଜ କର ସଅଳ
ଅକ୍ଷୟ ତୃତୀୟା ପବିତ୍ର ତିଥିରେ
ରଥ ହୁଏ ଅନକୁଳ.
ବଢ଼େଇ, କମାର ଲାଗିପଡିଛନ୍ତି
ଯେତେ ଜଗା ସୈନ ଦଳ.
ପ୍ରଭୁ ରଥ ସଜ ହେବ ସଅଳ. l
ମନ ଲାଗୁନାହିଁ ରତନ ବେଦିରେ
ଏତେ ଭକତଙ୍କୁ ଦେଖି.
ଘଡିକେ ଘଡିକେ ବୁଲି ଆସୁଛନ୍ତି
ଦାଣ୍ଡେ ରଥକୁ ପରଖି.
କେମିତି ସଅଳ ରଥ ସଜ ହେବ
ପ୍ରଭୁଙ୍କ ମନ ଅସ୍ଥିର. l
ବୁଲିଯିବା ପାଇଁ ମାଉସୀ ମା ଘର
ଜନମ ଭୂଇଁକୁ ତାର.
ଉଚ୍ଛନ୍ନିଆ ମନ ଜମା ମାନୁ ନାହିଁ
ହୁଏ ଖାଲି ତର ତର.
ଯେତେ ପଡ଼ୁ ବିଘ୍ନ ହେ ସଇନ ଦଳ
ରଥ ଶୀଘ୍ର ସଜ କର. l
କେତେ ଯେ ପତିତ ଦଣ୍ଡରେ ଡାକିବେ
ଆସ ପ୍ରଭୁ ଦାଣ୍ଡେ ଆସ.
ତୁମ ସାଥେ କେତେ ଥଟ୍ଟା ମଜା ହେବୁ
ହୋଇବ ମନ ହରଷ.
ଥାଟ ପଟୁଆର ସାଜି ତୁମ ସାଥେ
ଯିବୁ ତୋର ଷଠୀଘର. l