ୠଣୀ କିଏ ସେ
ୠଣୀ କିଏ ସେ
1 min
144
ହୀରା ମୋତି ମୁହିଁ ମାଗି ତ ନଥିଲି
ମାଗି ନାହିଁ ସୁନା ଚାନ୍ଦି,
ଅଟ୍ଟାଳିକା,ରାଜ- ଦରବାର ନୁହେଁ
ମାଗିନାହିଁ ହାତୀ ଛତି ।
ମାତ୍ର କରୁଣାର ବିନ୍ଦୁଟିଏ ସଖା
ମାଗିଥିଲି ଦିନେ ମୁହିଁ,
ପ୍ରତିବଦଳରେ ସର୍ବସ୍ବ ଅର୍ପିଲି
ସର୍ବହରା ହେଲି ମୁହିଁ ।
ଋଣ ଭାର ମୋର ତୋହରି ଉପରେ
ବଢି ବଢି ଯାଏ ଦିନ,
ଜୀବନଯାତ୍ରାର ମଧ୍ୟାହ୍ନ ଟପିଲା
କେବେ ସୁଝିବୁ ମୋ' ଋଣ ?
ଦେବ ଦେବ ବୋଲି ସ୍ବପ୍ନ ରାଇଜରେ
କେତେ ଆଉ ଭସେଇବ,
ଦେଲାଵାଲା କିଏ ନେଲାଵାଲା କିଏ
ହିସାବ କରି କହିବ !