ରହିଥାଏ ମଥାପାତି

ଶାସ୍ତ୍ରୀୟ ମାନ୍ୟତା ପାଇଲେ କି ଭାଷା

ବଞ୍ଚିରହେ ବର୍ଷ ମାସ

ଦେବଭାଷା ଏବେ ପଡିଛି ସଂକଟେ

ହୋଇଲାଣି ପରିହାସ।

ସରକାରୀ ଭାବେ ସକଳ କାମରେ

ନ କରିଲେ ବ୍ୟବହାର

ଓଡ଼ିଆ ଭାଷା ବି ଜମା ରହିବନି

ହୋଇଯିବ ବ୍ଯଙ୍ଗସାର।

ଆମେ କୁଳାଙ୍ଗାର ଓଡ଼ିଆ ସନ୍ତାନ

ସବୁ ଭାଷାରେ ତ ଦକ୍ଷ

ନିଜ ଭାଷା ଛାଡି ଅନ୍ୟ ଭାଷା କହି

ଫୁଲାଉ ଆମରି ବକ୍ଷ।

କାନ୍ଦୁ ଆମେ ସିନା କୁମ୍ଭୀର କାନ୍ଦଣା

ନିଜ ମାତୃଭାଷା ପାଇଁ

ଇଂରାଜୀ ପଢୁଆ ଆମ ପିଲା ଛୁଆ

ଦେଖୁଛନ୍ତି ପରା ସାଇଁ ।

ନିଜ କୁଳାଚାର ସଂସ୍କୃତି ସଂସ୍କାର

ଭୁଲିଯାଏ ଯେଉଁ ଜାତି

ଭୀରୁ କାପୁରୁଷ ମଣେ ଏ ଜଗତ

ରହିଥାଏ ମଥା ପାତି।