ପୁସ୍ତକ
ପୁସ୍ତକ
ବନ୍ଧୁଟିଏ ହୋଇ ଅନେକ ଶିଖାଏ
ଜୀବନର ଚଲାପଥେ
ଅଜ୍ଞାନ ଅନ୍ଧାର ହୃଦୁ କରି ଦୂର
ବଞ୍ଚିବା କଳା ଶିଖାଏ ।
ସର୍ବଶ୍ରେଷ୍ଠ ହୁଏ ସାମାନ୍ୟ ମାନବ
ତୁମକୁ କରି ନିଜର
ନୂଆ ଇତିହାସ ରଚି ପୃଥୀ ପୃଷ୍ଠେ
ସମାଜେ ଲଭେ ଆଦର ।
ଜ୍ଞାନ ଗନ୍ତାଘର ଶବ୍ଦ ସମାହାର
ନିର୍ଜୀବେ ତୁମେ ଜୀବନ
ସଫଳତା ସ୍ୱାଦ କରି ଅନୁଭବ
ପୂରଣ ହୁଏ ସପନ ।
ଅମା ଅନ୍ଧକାରେ ଆଲୋକର ଆଭା
ଦେଖାଅ ଚାଲିବା ପଥ
ଗୀତା, ଭାଗବତ, ବେଦ ଓ ପୁରାଣ
ଜୀବନରେ ତୁମେ ଶ୍ରେଷ୍ଠ ।
ଏକତା ମଧ୍ୟରେ ବିଭିନ୍ନତା ଅଟ
ବିଜ୍ଞାନ କଳା ବାଣିଜ୍ୟ
ସମସ୍ତ କ୍ଷେତ୍ରରେ ଆଣଯେ ଉନ୍ନତି
ଭୁଲି ହୁଏନି ସାହାର୍ଯ୍ୟ ।
ପୁସ୍ତକ ମାଧ୍ୟମେ ସୁଦୃଢ ହୁଅଇ
ମାନବ ଚେତନା ଶକ୍ତି
ସର୍ବ ସମସ୍ୟାର ସମାଧାନ ଘଟି
ସମସ୍ୟାରୁ ମିଳେ ମୁକ୍ତି ।
ପ୍ରବନ୍ଧ ନିବନ୍ଧ ଗଳ୍ପ ଉପନ୍ୟାସ
କବିତାର ଅନୁଭବ
ବିଜ୍ଞ ବୈଜ୍ଞାନିକ କରି ବିଶ୍ଳେଷଣ
ନାଶେ ଭୟ ବିଶାରଦ ।
ସାହିତ୍ୟ ସଂସ୍କୃତି ଶିକ୍ଷା ଓ ସଭ୍ୟତା
ସବୁରି ତୁମେ ଆରମ୍ଭ
ହୃଦୟ ପ୍ରଦେଶେ ଭରି ଦିଅ ତୁମେ
ଧର୍ମ ଧୌର୍ଯ୍ୟ ଶକ୍ତି ଧମ୍ଭ ।
ଅମର ଅସ୍ତିତ୍ଵ ଅଜ୍ଞାନୀର ଜ୍ଞାନ
ଅସରନ୍ତି ଅନୁଭୂତି
ଅତୀତ ଭବିଷ୍ୟ ରଚିପାର ତୁମେ
ଶିଳ୍ପ ସଂସ୍ଥା ପୁଣି ବୃତ୍ତି ।।