Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Prasanna Kumar Madala

Others

5.0  

Prasanna Kumar Madala

Others

ପଉଷ ମାସ

ପଉଷ ମାସ

1 min
20.3K


କୃଷକ ବଧୂର        ଅଧରେ ମଧୁର

       ଖିଲିଖିଲି ହସ ଦେଖି,

ମାର୍ଗଶିର ପରେ       ପଉଷ ଉପରେ

     ଲେଖେ ଉମ୍ଭେଇରୁ ସେକି ।

ଝରିଲାଣି କାଶ       ଫୁଟିଲାଣି ବାସ

      ସୋରିଷ ସୁମନ ହେମ,

ସ୍ଫୁଟନେ କହ୍ଲାର      ତୋଳି କି ମହ୍ଲାର

      ମଧୁପ ପରଷେ ପ୍ରେମ ।

ଶିଶିର ସମୀରେ      ବରଷେ ଜମିରେ

      ରଜତ ମୋତି ଶୀକର,

ବିଭାବରୀ ପରେ      ଦିନକର କରେ

      ଝଲସେ ଶାଖୀ ନିକର ।

ହରଷ ବିସାରେ      ସରସ ଶୀଷାରେ

      କନକ ଉଲ୍ଲୋଳ ଖେଳି,

ଦେଖି ଶ୍ରମମୂଲ      ପ୍ରୀତ ଚାଷୀକୁଳ

      ଅମଳେ ହୁଅନ୍ତି ମେଳି ।

ଶୀତର ଲହରେ      ପ୍ରତ୍ୟୁଷ ପ୍ରହରେ

      କାଟିବାରେ ସଜବାଜ,

ଲକ୍ଷ୍ମୀ ଠାକୁରାଣୀ   ତୋଷ ହେଲେ ଜାଣି

      ସୁଖେ ଗଦଗଦ ଆଜ ।

ଖଳା ଲିପାପୋଛା    କରି ଧାନ ଗୋଛା

      ସହଳେ କରିବେ ଠୁଳ ,

କି ଅଛି ଭରସା        ଅଦିନ ବରଷା

      ଉଜାଡି ନଦେଉ ମୂଳ ।

ଗ୍ରାମ ଦାଣ୍ଡେ ରେଣୁ   ମଧ୍ୟେ ଦିଶେ ଯେଣୁ

     ଠାବେ ଠାବେ ଧାନକେଣ୍ଡା, 

ବଦଳାଇ ତାହା       ମିଳିଯାଏ ଯାହା

      ଖାଆନ୍ତି ପିଲା ଓ ଭେଣ୍ଡା ।

ପଉଷ ମାସରେ      ଖୁସିର ଆସରେ

       ହସଇ ବାସ ଭବନ,

ବରଷକ ଅନ୍ନ       ପାଇ ମାଆ ମନ

      ହୁଅଇ ଭାବ ପ୍ରବଣ ।

      ପ୍ରସନ୍ନ କୁମାର ମାଦଳା


Rate this content
Log in