ପ୍ରିୟା

ସଂସାର ଜୀବନ ସହଜ ତ ଲାଗେ

  ଥିଲେ ବୁଦ୍ଧିମତୀ ପ୍ରିୟା l

ନିଜର ଗୁଣରେ ସବୁ ଆପଣାଏ 

  ହସେ ତା ଗଢା ଦୂନିଆ ll

ପ୍ରିୟା କୁ କହିଲେ ଭାରିଯା ବୁଝାଏ 

   ସ୍ତ୍ରୀ ପୁଣି ଅର୍ଦ୍ଧାଙ୍ଗିନୀ l

ସ୍ଵାମୀ ସହ ସେ ଧର୍ମରେ ଚାଲେ 

    ପୁଣି ସେ ସହଧର୍ମିଣୀ ll

ସଂସାର ଜୀବନ ପ୍ରିୟା ସହ ବିତେ 

    ସେ ମୋ ଜୀବନ ସାଥୀ । 

ଜୀବନ ସଂଗ୍ରାମେ ନିଜେ ଜଳେ ସିନା 

    ନିଭାଏ ସଂସାରୁ ତାତି ll

ପ୍ରିୟା ହାତରନ୍ଧା ଭାରି ସୁଆଦିଆ 

  ମେଣ୍ଟିଯାଏ ଯେତେ ଥିଲେ ଭୋକ l

ବ୍ୟସ୍ତତା ରୁ ଫେରି ଆଶ୍ୱସ୍ତି ତ ଲାଗେ 

  ମିଳେ ଯଦି ଚା ସହ ଗପ ll

ବିପଦେ ଆପଦେ ବହୁ ଦମ୍ଭ ଦିଏ 

  ଆଶ୍ଵାସନା ଓ ଉପଦେଶ l

ଦୁଃଖ ସୁଖ ସବୁ ଏକାକାର ହୁଏ 

    ମନେ ଆସେ ସାହସ ll

ପ୍ରିୟା ଠୁ ସୁନ୍ଦର ଲାଗେନା ତ କେହି 

  ନିବିଡତା ଥୀଲେ ପ୍ରୀତିଭାବ l

ଦୁହେଁ ତ ଦୁହିଁଙ୍କ ଏକାନ୍ତ ନିଜର 

     କରିପାରେ ଯିଏ ଅନୁଭବ ll

ସୁଖ ଓ ଦୁଃଖରେ ସ୍ୱାମୀଙ୍କ ସାଥିରେ 

     ସବୁଥିରେ ତାର ସହମତି l

ଶଙ୍ଖା ସିନ୍ଦୂର ର ବଜର ପାଇଁ କି 

     ନୀତି ଜାଳେ ବସି ସଞ୍ଜବତୀ ll