ପ୍ରେମର ଆଦର୍ଶ

ଚିରଦୀପ୍ତିମାନ ସୂର୍ଯ୍ୟଚନ୍ଦ୍ର ଧନ 

    ସୃଷ୍ଟିର ପରାଣ ମିତ ,

ଅପୂର୍ବ ସୃଷ୍ଟିରେ ତ୍ୟାଗ ଆଧାର'ରେ 

   ଦିବାନିଶି  ସମର୍ପିତ ! ! 

ସଜଳ ଉଜ୍ଜ୍ଵଳ ଭାବନା ଗଭୀର 

    ମହାନ ହୃଦୟ ଆତ୍ମା , 

ସ୍ଵାର୍ଥ ସାଧାନାର ନାହିଁ ଚିହ୍ନବର୍ଣ୍ଣ

   ଗଢିଛନ୍ତି   ବିଶ୍ଵକର୍ମା ! !

ଶୀତଳ ପରଶ ଅବା ମହାତାପ 

    ସବୁତ ମଙ୍ଗଳ କୃତ , 

ଋତୁ ଅନୁସାରେ ପୃଥିବୀ ବକ୍ଷରେ 

  ନିରଳସେ  ନିୟୋଜିତ !! 

 ମହାଆକାଶରୁ   ମର୍ତ୍ତ୍ୟପୁରବନ୍ଧୁ 

    ସୂର୍ଯ୍ୟ ଚନ୍ଦ୍ରମଣି ସୁତ , 

ଉଜ୍ଜ୍ଵଳଆଲୋକେ ପୃଥିବୀଟା ହସେ 

    ଅକୁଣ୍ଠିତ  ଦାନ ସତ !! 

ପ୍ରେମର ବାରିଧି ସୂର୍ଯ୍ୟର ପୀରତି 

    ବଳିଷ୍ଠ ବୈଦାନ୍ଯ ଭାବ , 

ଧରିତ୍ରୀ ବକ୍ଷରେ ସଜଫୁଲ ଫୁଟେ 

    ସିକ୍ତପ୍ରୀତ  ଅନୁଭବ !! 

ଜହ୍ନ ରାଇଜର  ପ୍ରେମ ଅପରୂପ 

    ସ୍ମୃତିର ସରଗ ଶଶୀ , 

ପ୍ରେମର ଜୀବନ୍ତ ଉଜ୍ଜ୍ଵଳ ପ୍ରତୀକ 

   କଇଁଝୁରେ ମର୍ତ୍ତ୍ଯେ ବେଶି  !! 

ଭଲ ପାଇବାର ଏଇ ନିଦର୍ଶନ 

    ସତ୍ୟଶିବ  ସୁନ୍ଦରମ , 

ପ୍ରେମୀକ ପ୍ରବର ଅଂଶୁ ପ୍ରଭାକର 

   ନଳିନୀକୁ  କରେପ୍ରେମ !! 

ମହାକାଶେ ଥାଇ ଭଲପାଏ ସେହି 

   ପ୍ରେମର  କିରଣ ଢାଳି , 

ପାଖୁଡା ମେଲେଇ ହସେ କମଳିନୀ 

   ପ୍ରେମିକର   ମନଜାଣି !! 

ଦିନକର ପ୍ରିୟା କମଳିନୀ ଶ୍ରେୟା 

   ପ୍ରେମୀକ ଖୁସିରେ ଖୁସି , 

ଦିନବୃଦ୍ଧି ଦେଖି ହୁଏ ମହାସୁଖୀ 

   ସରାଗରେ  ଉଠେହସି !! 

ସୂରୁଜ ଚନ୍ଦର ପ୍ରକୃତ ପ୍ରେମୀକ 

    ସୃ୍ଷ୍ଟିର  ବିଭବରାଜି , 

 ପ୍ରେମୀକ ସମାଜ ଶିକ୍ଷାକର ମିତ 

   ବୀରହ'ଟା'  ଯିବହଜି ! ! 

ଦୈହିକ ବାସନା ନୁହେଁ ଉପାସନା 

   ପ୍ରେମାତ୍ମା ପବିତ୍ର ସ୍ଵଚ୍ଛ , 

ସୂର୍ଯ୍ୟ ଚନ୍ଦ୍ର ଦେବ ପ୍ରେମର ସ୍ଵରୂପ 

   ସ୍ଵର୍ଗୀୟ ପ୍ରେମର ଉତ୍ସ !!