ପ୍ରେମ ପୂଜାରିଣୀ

ମନର କାନ୍ଭାସେ

ଆପେ ଆଙ୍କି ହୁଏ

ପ୍ରିୟତମ, ତୁମ ଛବି !

ଭିଡ଼ ଭିତରେ ବି

ସ୍ମୃତି ଭାସି ଆସେ

ତୁମ କଥା ଭାବି ଭାବି ।

ସ୍ମୃତି ତୁମ ନିତି

ମହ୍ଲାର ତୋଳେ

ସ୍ମିତ ମାଧୁରିମା ସୁରେ ।

ନିରାଶା ମନେ ମୋ'

ଭରେ ଆଶା ଅଂଶୁ ,

ଗୁପ୍ତ ପ୍ରଣୟର ଧାରେ ।

ସିକ୍ତ ହୁଏ ପ୍ରାଣ

ତୁମ ପ୍ରେମ ନୀରେ

ଶତ ଶିହରଣ ଖେଳେ ।

ମନ ଉପବନେ

ପ୍ରିୟ, ତୁମ ଲାଗି

ପ୍ରୀତିର ସଉଧ ତୋଳେ ।

ପ୍ରତୀକ୍ଷାରେ ତବ

ପ୍ରେମ ପୂଜାରିଣୀ

ରହିଛି, ରହି ତ' ଥିବ ।

ସାକ୍ଷୀ ଅଛି ସ୍ମୃତି

ଆମ ପ୍ରେମ, ସାଥୀ

ସତେକି ସତ ହୋଇବ !