ପ୍ରାର୍ଥନା

ହେ ସାରଥି ପ୍ରିୟ ସଖା

ଶ୍ରୀ କୃଷ୍ଣ କେଶବ

ନିବେଦନ କରେ ମୁହିଁ

ତୃତୀୟ ପାଣ୍ଡବ ।

ମୁଁ ଅର୍ଜୁନ ସବ୍ୟସାଚୀ

ପାର୍ଥ ମୁଁ ଭରତ

ପରମାତ୍ମା ମହାପ୍ରଭୁ

ତୁମେ ଜଗନ୍ନାଥ ।

ମୁଁ ନିମିତ୍ତ ତୁମେ ଲକ୍ଷ୍ୟ

ସର୍ବ ବିଶ୍ଵ ରୂପ

ତୁମେ କର୍ମ ଭକ୍ତି ଜ୍ଞାନ

ଯୋଗୀ ମହାଯୋଗ ।

ସମର୍ପିଛି ତୁମ ପାଦେ

ମନୋରଥ ଦେହ

ତୁମ ଇଚ୍ଛା ପୂର୍ଣ୍ଣ ହେଉ

ଶୁଭାଶିଷ ଦିଅ ।

ମାର ଅବା ତାର ପ୍ରଭୁ

ଦିଅ ଗତି ମୁକ୍ତି

ଥାଉ ତୁମ ପାଦପଦ୍ମେ

ମୋ ଅଚଳା ଭକ୍ତି ।

ଶୁଭ ଶଙ୍ଖ ପଞ୍ଚଜନ୍ୟ

ପୁକାରୁ ଓଁକାର

ଗର୍ଜିଉଠୁ ମୋ ଗାଣ୍ଡୀବ

ଧନୁର ଟଙ୍କାର ।

ସତ୍ୟ ଧର୍ମ ପଥେ ଅଛି

ଯେତେ ଅନ୍ତରାୟ

ଯୁଦ୍ଧମ୍ ଦେହୀ ରାଜଧର୍ମେ

ହେଉ ପାପ କ୍ଷୟ ।

ସୁଦର୍ଶନ ଚକ୍ରଧର

ନାଥ ଅବତର

ଧର୍ମ ହେଉ ସଂସ୍ଥା ପନ

ସୁଜନେ ଉଦ୍ଧର ।

ଦିଅ ଶକ୍ତି ନ୍ୟାୟୋଚିତ

କର୍ତ୍ତବ୍ୟ ପାଳନା

ଢାଳେ ପ୍ରତି ରକ୍ତ ବିନ୍ଦୁ

କରୁଛି ପ୍ରାର୍ଥନା ।

ଖର୍ବ ହେଉ ଅହମିକା

ଅଧର୍ମ ଅନ୍ୟାୟ

ଚଉଦିଗ କମ୍ପିଉଠୁ

ଧର୍ମରାଜ ଜୟ ।

ଦ୍ଵିତୀକୃଷ୍ଣ ନାମେ ଯଦି

ଦେଲ ପରିଚୟ

ଲଭେ ଜନ୍ମ ଯୁଗେ ଯୁଗେ

ବନ୍ଧୁ ପ୍ରାଣ ପ୍ରିୟ ।