ପଲ୍ଲୀ ର ଦୁର୍ଗତି

ମହାନଗରରୁ

ବଡ଼ ବେତନିଆ

ଭାଇକୁ ଲେଖିଲା ଚିଠି  ।

ସହର ତ ଏବେ

ଜହର ହେଲାଣି

ରହି ପାରୁ ନାହିଁ ଏଠି    ।।

ନଈ କୂଳେ ଥିବା

ଆମ ବଗିଚାରେ

ତୋଳିଦେବୁ ଖଣ୍ଡେ ଘର   ।

ତଟୀୟ ପବନ

ଶାନ୍ତ ଉପବନ

ପରିବେଶ ସୁଖକର     ।।

ରଖି ପାରୁନାହିଁ

କଥାକୁ ତୁମର

ଜ୍ୟେଷ୍ଠ ହେ ! ବିଚାର କର  ।

ନଈ ପଠା ସାରା

ଢମ୍ପୟାର୍ଡ ଏବେ

କରିଛନ୍ତି ସରକାର      ।।

ନିତି ନେତା ମନ୍ତ୍ରୀ

ଖାଲି ପ୍ରତିଶ୍ରୁତି

ହେଉନାହିଁ ପ୍ରତିକାର     ।

ସ୍ଵଦେଶୀ କୌଶଳେ

ସୁସ୍ଥ ସ୍ଥିତି ପାଇଁ

କର ଦୃଢ଼ ପ୍ରତିକାର     ।।

ବିଜ୍ଞାନ ,କଲମ

ଉଭୟ କ୍ଷେତ୍ରରେ

ହେଲେ ସିନା କର୍ମବୀର    ।

ଦୁର୍ନୀତି ହଟିଵ

ପ୍ରକୃତି ହସିବ

ଗଢ଼ିବା ପର୍ଣ୍ଣ କୁଟୀର      ।।

ଶାନ୍ତ ସରସ ସୁନ୍ଦର      ।।