ବିନ୍ଦୁ

ସିନ୍ଧୁ ପଚାରିଲା ବିନ୍ଦୁ କୁ 

ତୋର ଔକାତ କେତେ  ?

ବିନ୍ଦୁ ପାଇଁ ସିନା ସିନ୍ଧୁ ତୋ ସ୍ଥିତି

ଚିହ୍ନି ପାରିଲୁନି ମୋତେ  ।।

ବିନ୍ଦୁ କହେ ଶୁଣ ରୂପ ମୋ ଅନେକ

ବୁଝାଇ କହୁଛି ତୋତେ ।

ସାହିତ୍ୟ, ଗଣିତ , ଜ୍ୟାମିତି , ସଂସ୍କୃତି

ଗାଲେ - ଭାଲେ ରଙ୍ଗ କେତେ ।।

ବର୍ଗ୍ୟ ନାସିକ୍ୟ ର ପରେ ବର୍ଗ ଥିଲେ

ମୋର ରୂପ ଯୁକ୍ତି ଯୁକ୍ତେ  ।

ଆହୁରି ଅନେକ ରୂପ ମୋର ଅଛି

ବୁଝାଇ କହିବି କେତେ   ।।

ଗଣନ ସଂଖ୍ୟାର ପରେ ଯ

Advertisement

ୋଡ଼ି ଦେଲେ

ଦଶମିକ କହ ମୋତେ    ।

ତିନି ଶ ଷାଠିଏ ଡିଗ୍ରୀ ହୁଏ ମୁଁ

ଜ୍ୟାମିତି ଗଣନା ମତେ    ।।

ବିଭିନ୍ନ ରଙ୍ଗରେ , ନାରୀ କପାଳରେ

ସଧବା ବିଧବା ମତେ    ।

କିଏ ଆଙ୍କେ ତା'ର ଚିକ୍କଣ ଗିଲରେ

ସୁନ୍ଦରୀ ହେବ ପରତେ   ।।

ॐକାର ବିନ୍ଦୁ ରୁ ଜାତ ଏ ଜଗତ

କେତେ ବୁଝାଇବି ସତେ  ।

ଛୋଟ ଙ୍କ ଆଦର କରିବା ଫଳରେ

ଶ୍ରେଷ୍ଠ ହେବ ପ୍ରତି ଶତେ  ।।