ପିଲା ଦିନ ସାଙ୍ଗ

ଯଦି କେବେ ତୁମକୁ ସମୟ ମିଳେ...

ନିଶ୍ଚୟ ମତେ ମନେ ପକେଇବ ବନ୍ଧୁ,

ବୋଧେ ତୁମେ ତୁମ ପରିବାର ମେଣ୍ଟେଇ,

ପୁରୁଣା କଥା ଭୁଲି ଗଲ ସବୁ ।

ମନେ ଅଛି ଆମେ ସାଥି ହୋଇ...

ଖେଳୁଥିଲୁଁ କେତେ ଲୁଚକାଳି ଦିନ ରାତି,

ବହିପତ୍ର ସବୁକୁ ହାତେ କାଖେଇ କାଖେଇ,

ସାଥିରେ ଯାଉଥିଲୁ ଆମେ ପାଠ ପଢି ।

ମୁଁ ଯେବେ ରାସ୍ତାରେ ଝୁଣ୍ଟି ପଡୁଥିଲି...

ହାତ ଧରି ଉଠଉ ଥିଲ ମତେ,

ବରଷ ବରଷ ଦୁରେ ରହି ତୁମେ,

ଆଗ କଥା ଭୁଲି ଗଲ ବୋଧେ ।

ସାଇକଳରେ ଦୁରକୁ ପୂଜା ଦେଖି ଯିବା...

ସାଥି ହୋଇ ଚଣା ବାଦାମ ଖିଆ,

ନଳକୁଅରୁ ସାଥି ହୋଇ ପାଣି ପିଇବା,

ଏଇ ସବୁ କଥା ଭୁଲିଗଲ କିଆଁ ।

ଯଦି କେବେ ମୋ କଥା ମନେପଡେ...

ନିଶ୍ଚେ ଦୁର-ଧ୍ୱନି କରିବ କେବେ ଥରେ,

ସବୁ କଥା ମନେ ପଡେ ବନ୍ଧୁ,

ବାଳୁତ କାଳ ଫେରି ଆସନ୍ତା ସତେ ।