ଫୁର୍ କିନା ଉଡିଗଲା ବଣି

ଶୂନ୍ୟ କୋଠରୀରେ ସାଧା କାଗଜରେ 

  କଣ କରୁଥିଲା କେଜାଣି ସେ ବଣି

ମିଶାଣ କରିଲା ଦିଗ ହଜିଗଲା

  ଆରମ୍ଭିଲା ବଣି ଫେଡାଣ ପୁଣି

ଗୁଣି ଗୁଣି ବଣି ହାଲିଆ ହୋଇଲା

 ହରଣ ପରେ ହରଣ କରିଲା

ଅଙ୍କ କଷା ଦିନେ ସରିଲା ବଣିର

 ଅଦିନ ଝଡଟି ମାଡି ଆସିଲା 

ଶୂନ୍ୟ କୋଠରୀଟି ପଡି ରହିଥିଲା

 ସାଧା କାଗଜଟି ଶୂନ୍ୟ ହୋଇଲା

ବଣି ଉଡିଗଲା ଦୂର ରାଇଜକୁ

 ଦୁଇ ବୁନ୍ଦା ଲୁହ ସାଥିରେ ନେଲା

ସବୁ ଅଙ୍କ କଷା ମିଥ୍ୟା ଥିଲା ତାର

 ଉଡାଣ କେବଳ ସତ୍ୟ ହୋଇଲା

ଅଦିନ ଝଡଟି ସୁନିଶ୍ଚିତ ଏଠି 

 ଚିରନ୍ତନ ସତ୍ୟ ଅପ୍ରିୟ ହେଲା