ଫଗୁଣ ଫେରିଗଲା ପରେ

ଫଗୁଣ ଫେରି ଗଲା ପରେ ବି

କୋଉ ଏକ ଗଛ ଡାଳରେ ବସି

ଲୁଚି ଲୁଚି କୁହୁ କୁହୁ କରୁଛି କୋଇଲି।

ଆମ୍ବ ଗଛରେ ପତର ନାହିଁ କି ବଉଳ ନାହିଁ।

ଅଦିନରେ ତା ବଇରୀ ବର୍ଷା ତୋଫାନ ଆସି

ସବୁ ବିଗାଡି ଦେଲା ।

କିଏ କହିଲା କେଜାଣି 'ଆ ଆଉଥରେ 

ମୁଁ ଫେରୁଚି'।

 କୋଉଠି ବସି ପଞ୍ଚମାଳପ କରିବ ସେ!

ବନ୍ଧୁ ବରକୁ ଡାକିବ ? 

ସବୁଆଡେ ଜଳନ ପୀଡନ  

ତପନ ର ତାପ ।

ତଥାପି ଡାକିବ ସିଏ ଆସ ମୁଁ ଗାଇ ଗାଇ

ଥକି ଗଲିଣି ।

 ମୋ ତଣ୍ଟି ଶୁଖି ଯାଉଛି  

କିଏ ସେ କହୁଚି କେଜାଣି

"ପୋଡିଯିବୁ  

ଆ ପଳେଇଆ । 

କିଏ କହୁଚ?

ମୁଁ ନିଦାଘ ।