ନନ୍ଦ ରାଜା ପୁଅ

ତୋ ରୂପରେ ରଙ୍ଗରେ ଅଛି କିରେ ଯାଦୁ

ସେ ଯାଦୁ ରେ ମୋହିଲୁ ଯୁବତୀଙ୍କୁ ସବୁ ॥

ତୋ ବଇଁଶୀ ସ୍ବନ ରେ ଅଛି କି କୁହୁକ

ସେଥିରେ ମୋହିଲୁ ଗୋପପୁର ଯାକ ॥

ତୋ ତ୍ରିଭଙ୍ଗୀ ଠାଣି ରେ ବାୟାଣୀ ତୁ କରୁ

କେବେ ଯୋଶଦା ରାଧିକା ଗୋପି ଜନେ ସବୁ ॥

ତୋ ମାୟାବୀ ହସରେ ଅଛି କି ମୋହନୀ

ସେ ମାୟାରେ ତୋତେ କିଏ ଚିହ୍ନି ପାରିଲେନି ॥

ସବୁଠୁ ଅବୁଝା ଅଟେ ତୋର ଇଚ୍ଛା

ଧର୍ମ ନାମେ କରୁକ୍ଷେତ୍ରେ ରକ୍ତ କଲୁ ବର୍ଷା ॥

ତାଠାରୁ ନିଆଁରା ଥିଲା ତୋର ବାଣୀ

ସେଥିରେ ଉଦ୍ଧାରିଲୁ ପାଣ୍ଡବଙ୍କୁ ପୁଣି ॥

ଗୋପ ଗାଁ ନନ୍ଦ ରାଜା ଯୋଶଦା ର ପୁଅ

ତୋତେ ପାଇ ଯୋଶଦାର କେତେ ଭାଗ୍ୟ କହ॥

ତୋ ପ୍ରେମରେ ପଡିଛି ଏ ସଂସାର ଯାକ

ଏଠି ସଭିଏଁ ନାରୀ ଏକା ତୁ ପରା ପୁରୁଷ ॥

ଜ୍ୟୋତିରଞନ ସାହୁ