ନମୋ ନମୋ ଗଣପତି

ନମୋ ନମୋ ଗଣପତି ଗଉରୀ ନନ୍ଦନ,

ଅଗ୍ରପୂଜ୍ୟ ବିଦ୍ୟାଦାତା ବିଘ୍ନ ବିନାଶନ | (ଘୋଷା )

ଏକଦନ୍ତ ଗଜମୁଖ ଜ୍ଞାନ ବୁଦ୍ଧିଦାତା,

ମଥାରେ ସିନ୍ଦୂର ପୁଣି କାନ୍ଧରେ ପଇତା |

ସୁନ୍ଦର ମୂରତି ପ୍ରଭୁ ମୂଷିକ ବାହାନ |

ନମୋ ନମୋ ଗଣପତି ଗଉରୀ ନନ୍ଦନ |(1)

ଦୁଷ୍ଟପାଇଁ କାଳଫାଶ ହାତରେ ଅଙ୍କୁଶ,

ସର୍ବ-ଶକ୍ତିମାନ ବୁଦ୍ଧିବଳେ କରବଶ |

ପାପ-ତାପ କ୍ରୋଧ ମୋର କରନ୍ତୁ ଦଳନ |

ନମୋ ନମୋ ଗଣପତି ଗଉରୀ ନନ୍ଦନ |(2)

ମୁହିଁ ଜଣେ ଅବୋଧ ଅଜ୍ଞାନ ଶକ୍ତିହୀନ,

ମୋର ବିଘ୍ନ ନାଶି ପ୍ରଭୁ କର ଜ୍ଞାନଦାନ |

ତୁମ୍ଭ ଶ୍ରୀଚରଣେ ମୁହିଁ ପଶୁଛି ଶରଣ |

ନମୋ ନମୋ ଗଣପତି ଗଉରୀ ନନ୍ଦନ |(3)