Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Prabodha Chandra Mudra

Others

4  

Prabodha Chandra Mudra

Others

ନିଃସଙ୍ଗ ଜୀବନ

ନିଃସଙ୍ଗ ଜୀବନ

2 mins
417


ଚରାଚର ଏହି ବିଶ୍ବ ବ୍ରହ୍ମାଣ୍ଡରେ

ସୃଷ୍ଟିର ଅଦ୍ଭୁତ ସ୍ଥିତି

ପରସ୍ପର ଥାନ୍ତି ବିପରୀତ ଧର୍ମୀ

ସ୍ରଷ୍ଟାଙ୍କ ବିଚିତ୍ର ନୀତି ।


ସଜୀବ-ନିର୍ଜୀବ ଦୁଇ ଭିନ୍ନ ଶବ୍ଦ

ଦୃଶ୍ୟ ହୁଏ ଏହି ମର୍ତ୍ତ୍ଯେ

ଜୀବନ ସହିତ ସ୍ଥିତି ଯେ ଯାହାର

ସଜୀବ ଅଟେ ଜଗତେ ।


ପଶୁପକ୍ଷୀ-କୀଟ-ପତଙ୍ଗ ଓ କୃମି

ବୃକ୍ଷଲତାଏ ସଜୀବ

ଜୀବନ ବିହୀନ ବସ୍ତୁ ଓ ପଦାର୍ଥ

ସମସ୍ତେ ନିଶ୍ଚେ ନିର୍ଜୀବ ।


ଶରୀର ମଧ୍ଯରେ ଜୀବନୀଶକ୍ତିରେ

ପ୍ରାଣବାୟୁ ସତ୍ତା ଥାଏ

ସେହି ବାୟୁଦ୍ବାରା ପ୍ରାଣସଞ୍ଚାରରେ

ଶରୀର ଚାଳିତ ହୁଏ ।

ସର୍ବୋତ୍କୃଷ୍ଟ ଜୀବ ଅଟଇ ମାନବ

ଦୁର୍ଲଭ ତା'ର ଜୀବନ

ନର କଳେବର ଲଭିଣ ମନୁଷ୍ୟ

ହୋଇଥାଏ ଭାଗ୍ଯବାନ ।


ପିତାମାତା ଭାଇଭଉଣୀଙ୍କ ସହ

ବିତାଏ ସୁଖ ଜୀବନ

ବାଲ୍ଯଲୀଳା ପରେ ଧୂଳିଖେଳ ସାରି

କାଟେ କୈଶୋର ଜୀବନ ।


ପ୍ରତଵେଶୀ ଆଉ ସମାଜ ସହିତ

ରଖେ ମଧୁର ସଂପର୍କ

ଯୁବାବୟସରେ ମଜା-ମଉଜରେ

ବାଣ୍ଟିଥାଏ ସୁଖ ଦୁଃଖ ।


ସାଙ୍ଗସାଥି,ପ୍ରିୟ ପରିଜନେ ମେଳେ

ବିତିଯାଏ ଖୁସି ମୁହୂର୍ତ୍ତ

ସମସ୍ତଙ୍କ ପ୍ରିୟ ଭାଜନ ହୋଇଣ

ସ୍ନେହେ ହୁଏ ଅନୁବନ୍ଧିତ ।


ଅଧ୍ୟୟନ କାର୍ଯ୍ୟ କରି ସମାପନ

ଅନ୍ତେ କରେ ଜ୍ଞାନାର୍ଜନ

ଜୀବିକା ନିମନ୍ତେ ବାଛି କର୍ମପନ୍ଥା

ଅର୍ଥ କରେ ଉପାର୍ଜନ ।


ସମସ୍ତଙ୍କ ସହ ସ୍ନେହ ଓ ଶ୍ରଦ୍ଧାରେ

ବିତାଏ ସଙ୍ଗ ଜୀବନ

ତଦନ୍ତେ ଦାମ୍ପତ୍ୟ ଜୀବନ ନିର୍ବାହ

ହୋଇଥାଏ ଅନୁଦିନ ।


ପତି-ପତ୍ନୀ-ପୁତ୍ରକନ୍ଯାଙ୍କ ସହିତ

ଚାଲଇ ସଂସାର ରଥ

ଝଡଝଞ୍ଜା ସହ ସମସ୍ୟା ଅନେକ

ଆସୁଥାଏ ଅବିରତ ।


ସଂସାର ଜଞ୍ଜାଳେ ସବୁ କିଛି ଭୁଲି

ହୁଏ ସେ ନିଃସଙ୍ଗ ପରି 

ଜ୍ଞାତି-ପରିଜନ ବନ୍ଧୁ-ବାନ୍ଧବଙ୍କୁ

ଯାଇଥାଏ ସେ ପାସୋରି ।


ଦାମ୍ପତ୍ୟ ଜୀବନେ ଆସିଗଲେ ଝଡ଼

ଥମିବା ଅତୀବ କଷ୍ଟ

ବିବାଦ ବାତ୍ୟାର ମହାତାଣ୍ଡବରେ

ପରିବାର ହୁଏ ଧ୍ବସ୍ତ ।


ମନାନ୍ତର ପୁଣି ମତାନ୍ତର ଦ୍ବାରା

ହୁଅଇ ତିକ୍ତ ବଚସା 

ପରସ୍ପର ମଧ୍ଯେ ଘଟଇ ବିଚ୍ଛେଦ

ଜୀବନ ହୁଏ ନିରାଶା ।


ଦୁହିଁଙ୍କ ବିଚ୍ଛେଦୁ ଉଜୁଡେ ସଂସାର

ନଥାଏ କୂଳ-କିନାରା

ପୁତ୍ରକନ୍ଯାମାନେ ନିରାଶ୍ରୟ ଭାବେ

ହୋଇଥାନ୍ତି ବେସାହାରା ।


ପତିପତ୍ନୀ ଦ୍ବୟ ବିରହ ନିଆଁରେ

ହୁଅନ୍ତି ଯେ ଦଗ୍ଧିଭୂତ

ନିଃସଙ୍ଗ ଭାବରେ ଏକାକୀ ଜୀବନେ

ଦୁଃଖ ପା'ନ୍ତି ଅପ୍ରମିତ ।


ସମସ୍ତେ ଥାଇବି ଦୁନିଆ ଲାଗଇ

ନିରୋଳା ଆଉ ନିଃସଙ୍ଗ

ବିଷମୟ ଲାଗେ ଏହି ସଂସାରଟା

ଜୀବନେ ଆସେ ବିରାଗ ।


ଏକାକୀ ଜୀବନ ଅତି ଦୁର୍ବିସହ

ଜୀବନ ମୃତ୍ୟୁ ସମାନ

ପଶୁତୁଲ୍ଯ ଅଟେ ନିଃସଙ୍ଗ ଜୀବନ

ନିରର୍ଥକ ଅଟେ ପ୍ରାଣ ।


ଏକାକୀ ଜୀବନେ ଅନେକ ଦୁ୍ଶ୍ଚିନ୍ତା

ମନ ହୁଏ ଭାରାକ୍ରାନ୍ତ

ଚିନ୍ତା ଦ୍ବାରା ତନୁ ହୋଇଥାଏ କ୍ଷୀଣ

ଦେହ ହୁଏ ରୋଗାଗ୍ରସ୍ତ ।


ସାମାଜିକ ପ୍ରାଣୀ ଅଟଇ ମନୁଷ୍ୟ

ବିତାଏ ସେ ସଙ୍ଗ ଜୀବନ

ଏକାକୀ ଜୀବନ ଅଭିଶପ୍ତ ପ୍ରାଣ

ନ ଆସୁ କାହାର ଜୀବନ ।


Rate this content
Log in