Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Prabodha Chandra Mudra

Others

4  

Prabodha Chandra Mudra

Others

ଅଭିମାନ

ଅଭିମାନ

1 min
370


ମାନ-ଅଭିମାନ ବିପରୀତ ଧର୍ମୀ

ଏକ ଆରେକଠୁ ଭିନ୍ନ।

ଏକର ଅଭାବେ ଅନ୍ୟଟିର ସ୍ଥିତି 

ହୋଇଥାଏ ଅସମ୍ପୂର୍ଣ୍ଣ ।। 


ଗୋଟିଏ ମୁଦ୍ରାର ଦୁଇ ପାର୍ଶ୍ୱ ପରି

ସୁଖ-ଦୁଃଖ-ହସ-କାନ୍ଦ ।

ଅନୁଲୋମ ସହ ବିଲୋମ ନୀତିରେ

ସଂସାର ଯେ ଆତଯାତ ।। 


ଅଭିମାନେ ଥାଏ ଅକୁହା ବେଦନା

ଚାପିରହିଯାଏ ମନେ ।

ଗୁମ୍ ସୁମ୍ ହୋଇ ଉଦାସ ମନରେ

ଥାଏ ବିଷର୍ଣ୍ଣ ବଦନେ ।। 


ଯେତେବେଳେ ହୁଏ ଜ୍ୱାଳାମୁଖୀ ରୂପ

କ୍ରୋଧରେ କରେ ପ୍ରକାଶ ।

ସଞ୍ଚିତାଭିମାନକୁ କରେ ବମନ ।

ମନ ହୁଏ ତା'ର ଉଶ୍ୱାସ ।। 


ମାନିନୀ ରାଧାଙ୍କ ମାନ ଭଞ୍ଜନ ଯେ 

କରୁଥିଲେ ପ୍ରଭୁ କୃଷ୍ଣ ।

ଲଳିତା-ବିଶାଖା ସଖୀଗଣ ସର୍ବେ

କରିଲେ ମାନ ହରଣ ।। 


କୈକେୟୀଙ୍କର ଅଟଳ ମାନକୁ

ସାମ୍ନା କଲେ ଦଶରଥ ।

ମାନଭଙ୍ଗ ପାଇଁ ସମସ୍ତ ସର୍ତ୍ତକୁ

ପୂର୍ଣ୍ଣ କଲେ ତାଙ୍କ ଇପ୍ସିତ ।। 


ସ୍ୱୟଂ ଜଗନ୍ନାଥ ମାତା ଲକ୍ଷ୍ମୀଙ୍କର

ଦୂର କଲେ ଅଭିମାନ ।

ଯୁଗେ ଯୁଗେ ପ୍ରଭୁ ନିଜ ଆଦର୍ଶରେ

ଜିତିଲେ ଦେବୀଙ୍କ ମନ ।।


ନବଦିନାତ୍ମକ ରଥେ ପ୍ରଭୁ ଯେବେ

ଯାନ୍ତେ ଗଣ୍ଡିଚା ଭ୍ରମଣ ।

ଅଭିମାନେ ଲକ୍ଷ୍ମୀ ହୋଇ ରୋଷଭର

କରନ୍ତି ରଥକୁ ଭଗ୍ନ ।। 


ପୁରୁଷର ଅଭିମାନ ସ୍ୱଳ୍ପକ୍ଷଣ 

ନାରୀ ମାନ ଦୀର୍ଘଦିନ ।

ନାରୀ ମାନ ଭଙ୍ଗ ସମୟସାପେକ୍ଷ

ପୁରୁଷ ଆଶୁ ପ୍ରସନ୍ନ ।। 


ପଞ୍ଚପତି ଠାରେ ଥିଲା ଅଭିମାନ

ପ୍ରତିଶୋଧ ପାଇଁ କୃଷ୍ଣାର ।

ମୁକୁଳିତ ବେଣୀ କରିବି ବନ୍ଧନ

ରକ୍ତରେ ଦୁଃଶାସନର ।। 


ମାନଗୋବିନ୍ଦ ଯେ ଥିଲେ ଅଭିମାନୀ

କରୁଥିଲେ ଯାହା ପଣ ।

ଅତି ମାନେ ନିଜ କୁଳ ହେଲା ଧ୍ୱଂସ

ଅତିରୁ ଇତି ଯେ ଜାଣ ।।



Rate this content
Log in