ବଦନାମ

ସୁନାମ-ଦୁର୍ନାମ ଦୁଇ ପରିପନ୍ଥୀ

ଦୁର୍ନାମ ଅଟେ ବଦନାମ ।

ଘୃଣା ଓ ନିନ୍ଦାର ହୁଏ ମୁଁ ଶିକାର

ନ ଆସେ କାହାର କାମ ।

ସୁନାମ ବ୍ଯକ୍ତିର ହୁଅଇ ପ୍ରଶଂସା

ହୁଏ ପୁଣି ସମ୍ମାନିତ ।

ସଦା ସ୍ମରଣୀୟ ହୁଏ ସେହି ନର

ହୋଇଥାଏ ସେ ମହତ ।

ସଦାଚାର ସହ ଆଦର୍ଶ କାର୍ଯ୍ଯରେ

ଯେଉଁ ବ୍ୟକ୍ତି ନିୟୋଜିତ ।

ବହୁ ପ୍ରଶଂସାର ଅଧିକାରୀ ହୋଇ

ସୁନାମେ ହୁଏ ପୂଜିତ ।

ଅନ୍ଯାୟ-ଅନୀତି,ଅଧର୍ମ-କୁକର୍ମ

ଏ ସବୁ ଦୁର୍ନାମ ଲକ୍ଷଣ ।

ପାପକର୍ମେ ସଦା ମନ ଯେ ବଳାଏ

ସେ ବ୍ଯକ୍ତିର ହୁଏ ପତନ ।

ଆଜିର ସମାଜେ ବଦନାମ ଏକ

ହେଲାଣି ତ ଅତି ସାଧାରଣ ।

କୁଣ୍ଠାବୋଧ ନାହିଁ କାହାରି ମନରେ

ଭାବନ୍ତି ଏ ଶ୍ରେଷ୍ଠ ସମ୍ମାନ ।

ବଦନାମ ହୋଇ ବି ନାହିଁ ମୁଖେ ଲଜ୍ଜା

କରନ୍ତି କୁକାର୍ଯ୍ଯ ବାରମ୍ବାର ।

ନିନ୍ଦା-ଅପମାନ କିଛି ବାଧେ ନାହିଁ 

ତାଙ୍କ ପାଇଁ ଏହା ନିମିତ୍ତ ମାତର ।

ପୁତ୍ର ଯଦି କରେ ନିନ୍ଦିତ କାର୍ଯ୍ୟ

ପିତା ହୋଇଥାନ୍ତି ବଦନାମ ।

ବ୍ଯଭିଚାର କର୍ମ କରିଲେ କନ୍ଯା ଯେ

ମାତାଙ୍କର ହୁଏ ଦୁର୍ନାମ ।

ନେତା-ମନ୍ତ୍ରୀ ଯେବେ ହୁଅନ୍ତି ଭ୍ରଷ୍ଟାଚାର

ରାଜ୍ୟ ଓ ଦେଶର ବଦନାମ ।

ଉଚ୍ଚ ପଦାଧିକାରୀ କରିଲେ ଦୁଷ୍କର୍ମ

ବିଭାଗ ମୁଣ୍ଡାଏ ଦୁର୍ନାମ ।

ନେତା-ମନ୍ତ୍ରୀ ପୁଣି ଅଧିକାରୀମାନେ

କରନ୍ତି ଅନ୍ଯାୟ-ଦୁର୍ନୀତି କର୍ମ ।

ରିପୋର୍ଟର ଆଉ ମିଡିଆ ଆଗରେ

ସଗର୍ବେ ଚାଲୁଥାନ୍ତି ହୋଇ ବେସର୍ମ ।

କୋଭିଡ-୧୯ ପରି ବିଶ୍ବେ ସଂକ୍ରମିତ

ହୋଇଅଛି ବଦନାମ ।

ସବୁ ନିୟମର ଉର୍ଦ୍ଧ୍ବରେ ରହି ସେ

ନାହିଁ ତାହାକୁ ଯେ ଲଗାମ ।

ଗଳି-ଗଳି ସାହି-ସାହି ବଦନାମ

ଚଳାଇଛି ତା'ର ରାଜ ।

ତା ଠାରୁ ମୁକ୍ତି ପାଇବା ଯେ କଷ୍ଟ

ସେ ନିଜେ ଅଟେ ପରା ଯମରାଜ ।

ବଦନାମ ଗଳିରେ ପାଦ ଦେଲେ ବ୍ଯକ୍ତି 

ସେ ନିଜେ ହୁଏ ତ ବଦନାମ ।

ଚାଲିଯାଏ ତା'ର ଇଜ୍ଜତ-ସମ୍ମାନ

ହରାଇଦିଏ ସେ ସୁନାମ ।

ବଦନାମ-ବଦନାମ-ବଦନାମ

ଆମେ ନ ହେବା ତ କେବେ ବଦନାମ

ନିଜର-ଜାତିର ଓ ରାଷ୍ଟ୍ରର ସର୍ବଦା

ରଖିବା ନିଶ୍ଚେ ମାନ-ସମ୍ମାନ ।