ନିବେଦନ

ତୁମେ ଆସିଲେ କାହିଁକି ମୁଁ ହୁଏ ଆନମନା

ଖୁସିରପାଖୁଡାମାନ ମେଲିଯାନ୍ତି ଆପେ ଆପେ

କି ସମ୍ପର୍କ ତୁମ ଆଉ ମୋ ଭିତରେ

ବିରହର କୁହୁଳା ନିଆଁ ଜଳିଉଠେ

ତୁମର ଶୀତଳ ଟିକିଏ ନିଶ୍ଵାସରେ ।

ଆମ ଭିତରେ ଦୂରତା ଆଜି ବହୁତ

ତଥାପି ଏସବୁ ସାଜିନି ପ୍ରତିବନ୍ଧକ

ହୃଦୟଟିଏ ବାନ୍ଧିପାରେ ଆଉ

 ଗୋଟେ ହୃଦୟକୁ ଅନାୟସରେ

ରାତି ସବୁ ସରିଯାଏ ତୁମ କଥା ଭାବିବାରେ ।

ସମସ୍ତେ କହନ୍ତି ମୁଁ କାଳେ 

ପଡିଛି ତୁମ ପ୍ରେମରେ

ପ୍ରେମରେ ପଡିଥିବା ଲୋକମାନେ ପାଗଳ

ପତଙ୍ଗ ସାଜି ଝାସନ୍ତି ନିଆଁରେ

ସବୁ ଜାଣି ଜାଣି ଭୁଲ କରିବାକୁ 

ଭାରି ଇଚ୍ଛା ହୁଏ କାହିଁକି କେଜାଣି

ନିରୁତ୍ତର ସମସ୍ତେ ଏ ଅଜବ ପ୍ରଶ୍ନରେ  ।

ତଥାପି ଆଶା ଅଛି ମୋର ତୁମପରେ

ସାଉଁଟିନେବ ମୋତେ ଅଧାରାସ୍ତାରୁ

ନିରାଶ କରିବନି ଭାଙ୍ଗିବନି ମୋର

ପ୍ରେମର ତିଆରି କରିଥିବା ତାଜମହଲଟିକୁ

ସମ୍ପର୍କର ବୁଢୀଆଣୀ ଜାଲ ବୁଣି

ପ୍ରୀତିର ଗୋଲାପଟିଏ ହାତେ ଧରି

ଚାହିଁ ଥିବି ତୁମକୁ ସେମିତି ଜନ୍ମଜନ୍ମାନ୍ତରେ ।