ମୁଁ ଓଡ଼ିଆ
ମୁଁ ଓଡ଼ିଆ
ମୁଁ ଓଡ଼ିଆ ମୋ ମାତୃ ଭାଷା ଓଡ଼ିଆ
ଓଡିଶା ଜନମ ଭୂଇଁ
ପ୍ରଭୁ ଜଗନ୍ନାଥ ଆରାଧ୍ୟ ଠାକୁର
ତାଙ୍କଠୁଁ କେ ବଡ଼ ନାହିଁ l
ଆଗେ ରାଜଧାନୀ ଥିଲା କଟକରେ
ଏବେତ ଭୁବନେଶ୍ୱର
ମନ୍ଦିର ମାଳିନୀ ଏକାମ୍ର ନଗର
ସ୍ମାର୍ଟ ସିଟି ମନୋହର l
ଐତିହ୍ୟ ଭାସ୍କର୍ଯ୍ୟ କଳା ସ୍ଥାପତ୍ୟରେ
ରହିଛି ଓଡିଶା ଖ୍ୟାତି
କାରୁକାର୍ଯ୍ୟଭରା କୋଣାର୍କ ମନ୍ଦିର
ଗଢ଼ିଛି ଓଡ଼ିଆ ଜାତି l
ମୋ ପୂର୍ବ ପୁରୁଷ ବୋଇତ ବାଣିଜ୍ୟ
କରୁଥିଲେ ବିଦେଶରେ
ଧନରତ୍ନ କେତେ ବୋହି ଆଣୁଥିଲେ
ଚଳୁଥିଲେ ପ୍ରାଚୁର୍ଯ୍ୟରେ l
କଳିଙ୍ଗ ସମ୍ରାଟ ଐର ଖାରବେଳ
ସୁଦକ୍ଷ ଶାସକ ବୀର
ତାଙ୍କରି ରାଜତ୍ବେ ବିଭବ ସମୃଦ୍ଧି
ଖ୍ୟାତି ଥିଲା କଳିଙ୍ଗର l
ଓଡିଶାର ମାଟି ଅଟେ ଵୀର ମାଟି
ମାଟିର ସଂଗ୍ରାମୀ ଵୀର
ସ୍ୱାଧୀନତା ପାଇଁ ଦେଇ ପ୍ରାଣବଳି
ରହିଲେ ସଦା ଅମର l
ଚଣ୍ଡାଶୋକରୁ ଅଶୋକ ଏଠାରେ
ହୋଇଥିଲେ ଧର୍ମାଶୋକ
ଅହେତୁକ ପ୍ରୀତି ହେତୁ ବ୍ରୁଦ୍ଧିହେଲା
ଆମ ସଂସ୍କୃତି ମହକ l
ଉତ୍କଳ ଗୌରବ ଉତ୍କଳର ମଣି
ମଧୁ ବାବୁ ଗୋପବନ୍ଧୁ
ଜାତିର ନମସ୍ୟ ଜାତିର ଗୌରବ
ଓଡ଼ିଆଙ୍କ ପ୍ରାଣ ବିନ୍ଦୁ l
ନଦୀ ବନ ଗିରୀ ପାହାଡ଼ ଝରଣା
ଖଣି ଖାଦାନରେ ଭରା
ସ୍ବର୍ଣ୍ଣ ପ୍ରସୁ ମୋର ଜନମ ଭୂମିର
ସୌନ୍ଦର୍ଯ୍ୟ ହିଁ ଅପାସୋରା l
ଓଡ଼ିଆ ସଂସ୍କୃତି ଓଡ଼ିଆ ଗୌରବ
ଓଡ଼ିଆର ସ୍ୱାଭିମାନ
କ୍ଷୁର୍ଣ ହେବା ପାଇଁ ନଦେଇ କାହାକୁ
ବଢାଇବା ଜାତି ମାନ l
ସଦାନନ୍ଦ ପ୍ରତିହାରୀ
କଟକ, ଓଡିଶା
Email -snpratihari @gmail.Com
Mob -9937367709