ମୁକ୍ତି

ବିରାଟ ବିଶାଳ ବ୍ରହ୍ମାଣ୍ଡ ରେ

ଅହରହ ମୁକ୍ତିର ପ୍ରୟାସ

ଦୁଃଖ ରୁ ମୁକ୍ତି, ଯନ୍ତ୍ରଣାରୁ ମୁକ୍ତି

ମୁକ୍ତ ଯିଏ ଜାଣେ ସିଏ, ମୁକ୍ତି ନା

ମିଛ ମାୟା ସଂସାରର ଅନୁରକ୍ତି

ପ୍ରୟାସ ତ ଅନବରତ ଚାଲିଛି

ଚାଲିଥିବ ଜନ୍ମ ଜନ୍ମାନ୍ତରରୁ

ବୋଉ ର ଝାଳମୁହାଁ ମୁଖ

ବିରତି ନ ନେବାର ଯିଦି,

ଯଦ୍ୟପି ସେ ଚାହୁଁଥିଲେ ମୁକ୍ତି

ଚୂଲି ର କୃଷ୍ଣବର୍ଣ୍ଣ ଧୂଆଁରୂ

ପୁଣି ମୁକ୍ତିଲାଭର କାମନାରେ

ବିଷୟାଶକ୍ତ ହୋଇପଡ଼ିଛି କାମୁକ

ଏ ତ ସଂସାର କର୍ତ୍ତବ୍ୟର ଓହଳରେ

ନିଷ୍କାମ ହୋଇ ଝୁଲିବାକୁ ପଡ଼ିବ

କ୍ଷତାକ୍ତ ରକ୍ତାକ୍ତ ମାନବିକତାକୁ

ମୁକ୍ତି ର ପ୍ରଶସ୍ତ ପଥ ଦିଶିବ

ଆଜି ର ଆହ୍ୱାନ ହେ ମୃତ୍ୟୁ ପଥର ଯାତ୍ରୀ

ଶୁଣ ଆରତନାଦ ବସୁନ୍ଧରାର

ମୁକ୍ତିର କାମନା ଛାଡ଼ି ବଞ୍ଚି ବାକୁ ହେବ ।