ମୋ ଓଡ଼ିଶା (ଭାଗ-୧୧)
ମୋ ଓଡ଼ିଶା (ଭାଗ-୧୧)
ଭାରି ସୁଆଦିଆ ଆମ ପିଠା କାକରା
ଚକୁଳି ,ଏଣ୍ଡୁରି ,ମଣ୍ଡା, ନଡିଆ କୋରା ।
ଖୁଆପେଡା ରାଶିଲଡୁ ଲବଙ୍ଗଲତା
ପୋଡପିଠା ଛେନାପୋଡ ଆରିସା ପିଠା ।
ରସଗୋଲା ଆମର ସେ ଏକା ଆମର
ମାଆଙ୍କୁ ତୋଷ କରନ୍ତି ଦେଇ ଠାକୁର ।
ଅମାଲୁ ଦମାଲୁ ଆମ ଗୋଲାପଜାମୁ
ସୁଆଦିଆ ଗଜା ଖଜା ଜଲିପି ଲଡୁ ।
ମୁଆଁପିଠା ଚିନିମୁଆଁ ଛୁଞ୍ଚିପତର
କ୍ଷୀରପୁଳି ମାଲପୁଆ କ୍ଷୀର ସାଗର ।
ବିରିବରା ଦହିବରା ଦହି ପାଚେଡି
ଶାଗମୁଗ ରାଜଭୋଗ କ୍ଷୀରି ଖେଚେଡି ।
ହବିଷ ଡାଲମା ଆମ ଆମ୍ବୁଲ ରାଇ
ମହକରେ ଲାଳ ଆସେ ପାଟିରୁ ବୋହି ।
ଛେନାଝିଲ୍ଲି ଛେନାକ୍ଷୀରି ଛେନା ତରକାରୀ
ମାଛ ମା°ସ ହେବନାହିଁ ତା' ସାଥେ ସରି ।
ଆମ ଆଈ ମାଆ ମାଇଁ ଯାହା ରାନ୍ଧନ୍ତି
ତା ଠାରୁ ସୁଆଦ ଆଉ କେହି ନୁହନ୍ତି ।
ପାଟିରୁ ଛାଡେନି ଆମ ପଖାଳ କ°ସା
ଓଡିଶା ଓଡିଶା ମାଆ ମୋର ଓଡିଶା।