ମୋ ଓଡ଼ିଶା (ଭାଗ- ୧୦)

ଏ ସ୍ବାଧୀନ ଭାରତର ଅ°ଶ ଓଡିଶା

ଶାନ୍ତି ଆଉ ପ୍ରଗତିର ଏ ନୂଆ ଭାଷା ।

ସବୁଜ କେଦାର ଏଠି ସପନେ ଭରା

କ୍ଷେତ ମାଟି ଆମପାଇଁ ସୁନା ପସରା ।

ଧାନ ମୁଗ ବିରି ମକା କପା ବାଦାମ

ଫଳ ମୂଳ ପରିବା ତ କେତେ କିସମ ।

ମାଟିସାଥେ ମାଟିହୋଇ ଚାଷୀ ଆମର

ଜଗତକୁ ଯୋଗାଉଛି ନିତି ଆହାର ।

ରତ୍ନ ଭଣ୍ଡାର ଆମର ଖାଦାନ ଖଣି

ଲୁହା ବକ୍ସାଇଟ ଭରା କୋଇଲା ପୁଣି ।

ଖଣି ଯୋଗୁ କେତେ ଶିଳ୍ପ ଗଢି ଉଠିଛି

ପ୍ରଗତିର ରଥ ଚକ ଗଡି ଚାଲିଛି।

ନିଯୁକ୍ତି ସୁଯୋଗ କେତେ ସୃଷ୍ଟି ହେଉଛି

ଗତିଶୀଳ ଅର୍ଥନୀତି ହସ ବୁଣୁଛି ।

ପାରାଦୀପ ଧାମରା ସେ ଗୋପାଳପୁର

ବିକାଶ ର ରାହା ମେଲେ ଏଇ ବନ୍ଦର ।

ପଣ୍ୟ ଆମଦାନୀ ପୁଣି ରପ୍ତାନୀ ହୁଏ

ନବ ଜାଗରଣ ପାଇଁ ସୁଯୋଗ ଦିଏ ।

ବିଦେଶୀ ମୁଦ୍ରା ସତେ ହୁଏ ବରଷା

ଓଡିଶା ଓଡିଶା ମାଆ ମୋର ଓଡିଶା ।