"ମୋ ଓଡ଼ିଆ ସାହିତ୍ୟ"

ସାରଳା ଦାସଙ୍କ ମହାଭାରତ ରଚନା

ଓଡ଼ିଆ ଭାଷାର ଦିଏ ପୂର୍ଣ୍ଣ ବିକାଶ ସୂଚନା ।

ଜଗନ୍ନାଥ ଦାସଙ୍କ ରଚିତ ଭାଗବତ

କରାଏ ସଭିଙ୍କ ଦିଗ ଦର୍ଶନ ।

ବଳରାମ ଦାସଙ୍କ ଜଗମୋହନ ରାମାୟଣ

ଅମୃତ ଗଙ୍ଗା ଝରାଏ ମହା ପ୍ରଭୁଙ୍କର ।

ଉପେନ୍ଦ୍ର ଭଞ୍ଜଙ୍କ କାବ୍ୟ କବିତା

ମହି ନିଏ ଲୋକଙ୍କ ହୃଦୟ ପରା ।

ମଧୁସୂଦନ ଓ ଫକୀର ମୋହନଙ୍କ ରଚନା

ଗଢ଼ି ଦିଏ ମଣିଷ କୁ ଦେଇ ଚେତନା ।

ଅନ୍ୟ ର ଭାବ ବିଚାର ଚିନ୍ତା ଧାରା

ବୁଝିହୁଏ ମାତୃ ଭାଷାର ନେଇ ଆସରା ।

ଧ୍ଵନି ଓ ଶବ୍ଦ ଭାଷାର ବାହ୍ୟ ସ୍ତର

ବର୍ଣ୍ଣ ଦିଏ ତାକୁ ସାଙ୍କେତିକ ରୂପ ।

ଅର୍ଥ ଯେ ତାର ଅନ୍ତର୍ନିହିତ ସ୍ତର

ବୁଝିପାରେ ତାକୁ ସବୁ କଳାକାର ।

ଓଡ଼ିଆ ଲିପି ଦେଖିବାକୁ ଗୋଲାକାର

ଯାହା ତାକୁ ଦିଏ ଭିନ୍ନ ଏକ ପରିଚୟ ।

ସ୍ୱର ବ୍ୟଞ୍ଜନ ମାତ୍ରା ଫଳା

ଲାଗିଥାଏ ସବୁ ଓଡ଼ିଆ ଅକ୍ଷରେ ପରା ।

ଲିଙ୍ଗ ବଚନ ଓ ପୁରୁଷ

ଦିଏ ସ୍ତ୍ରୀପୁରୁଷ ଓ ପରିମାଣର ହିସାବ ।

ମୋ ଓଡ଼ିଆ ସାହିତ୍ୟ ଓଡ଼ିଶାରେ ଭାରି ପ୍ରସିଦ୍ଧ

ଯା ' ପାଇଁ ହୋଇଅଛୁ ଓଡ଼ିଆ ବାସୀ ଗର୍ବିତ ।

ପଦ ପଦ ଯୋଡ଼ି ହୋଇ ହୁଏ କେତେ ବିସ୍ତାରିତ

ସେ ବାକ୍ୟ ରୁ ଆମେ ବୁଝୁ ଆମ ଉଦ୍ଦେଶ୍ୟ ।

ଛନ୍ଦ ରେ ଛନ୍ଦିତ ଆଳଙ୍କାରେ ଅଳଙ୍କୃତ

ନାମରେ ବିଶେଷ୍ୟ ଗୁଣରେ ବିଶେଷଣ ।

ସନ୍ଧିର ବିଚ୍ଛେଦ ପୁଣି ରୂଢି ର ପ୍ରୟୋଗ

କରି ଦେଖାଉ ଥାଏ ତାର ରୂପ ମାଧୁର୍ଯ୍ୟ ।

କର୍ମ କ୍ରିୟା ସର୍ବନାମ ସବୁଥିର

ରହି ଅଛି ଭୂମିକା ଗୁରୁତ୍ୱପୂର୍ଣ୍ଣ ।

ଅତୀତ ବର୍ତ୍ତମାନ ଭବିଷ୍ୟତ କାଳ

ସବୁର ହୁଏ ଏଠି ଉତ୍ତମ ବ୍ୟବହାର ।

ଅବ୍ୟୟ ପଦ ମଧ୍ୟେ ସଂଯୋଜକ

କରାଏ ବାକ୍ୟର ଦୁଇ ଭାଗକୁ ଏକ ।

ହୃଦୟରୁ ଦିଏ ତା ପରିଚୟ

କରିଦେଇ ସଭିଙ୍କ ଭାବନା ସ୍ପଷ୍ଟ ।

ଏଇ ମୋ ଓଡ଼ିଆ ସାହିତ୍ୟ

ନାହିଁ ଏତେ ଜ୍ଞାନ ମୋର

ହେଲେ ଲେଖିଛି କିଛି ନାଁରେ ତାର ।