ମୋ ଗାଁ

ସପନଭିଜା ଗାଁ 

ଜମ୍ବେଶ୍ୱରପୁର ତା ନାଁ

ତାଳ ତମାଳ ସୁଶୋଭିତା 

ସବୁଜିମା ଭରା ଗାଁ

କି ସୁନ୍ଦର ତାର ନାଁ

ଧାନକ୍ଷେତ ଏଠି ଗାଏ ଗୀତ

ବରଗଛ ଖେଳେ ଦୋଳି

ମାଳ ନଦୀର କୁଳୁକୁଳୁ ସ୍ବରେ

ମନକୁ ଦିଏ ଚହଲି ।

ଜାଗର ଆଉ ଦୋଳ ଯାତରେ

ସଭିଙ୍କର ଥାଏ ଆଖି

ଗାଁଟା ସାରା ମାରନ୍ତି ମଜା

ରାତିରେ ଯାତରା ଦେଖି।

କୁଣିଆ ମଇତ୍ରରେ ପୁରିଉଠେ ଘର

ରଜ ଆଉ ଦିପାଳୀରେ

ଗୁରୁବାର ଓଷା କୁମାରପୁନେଇଁ

ପୁରି ଉଠେ ପିଠା ପଣାରେ ।

ହରିହାଟର ନଗର କୀର୍ତ୍ତନ

ସାରା ଗାଁ ବୁଲୁଥାଏ

ପଣା ସଂକରାନ୍ତି ଗହ୍ମା ପୂନେଇଁରେ

ଦିନ ବିତେ ହରସରେ ।

ଜମ୍ବେଶ୍ୱରନାଥ କୁଳଦେବତା

ମା କାଳିକୁମର ସାହା

ବିପଦେ ଆପଦେ ଡାକିଦେଲେ ଥରେ

ଟେକିଥାନ୍ତି ଚଉବାହା ।

ଜନମି ଏଠି ଧନ୍ୟ ମଣୁଛି

ଜୀବନ ହେଲା ସାର୍ଥକ

ସାଙ୍ଗ ସାଥିମେଳେ ବିତେ ମୋର କାଳ

ସରଗଠୁ ଏ ଅଧିକ।