ମଣିଷପଣିଆ ଆମ ଯାଇଛି ହଜି

  ମଣିଷପଣିଆ ଆମ 

   ଯାଇଛି ହଜି

  ମାନବିକତାକୁ ଏବେ ଆମେ

   ପାଉନେ ଖୋଜି

  ସ୍ଵାର୍ଥ ଆଉ ଅର୍ଥ ପଛେ

   ଆମେ ଧାଇଁ ଧାଇଁ

  ରୋଗଗ୍ରସ୍ତ, ଚିନ୍ତାଗ୍ରସ୍ତ

  ସମଗ୍ର ମାନବ 

   ଆମେ ହୋଇଛେ ଭାଇ ।

  କେ କାହାର ନୁହେଁ ଏଠି

  ଅର୍ଥ ରୋଜଗାର 

   କେବଳ ହୋଇଛି

   ଜୀବନର ମାପକାଠି

  ମଣିଷ ପାଲଟିଛି ଯନ୍ତ୍ର ଏବେ

   ଏ ମଣିଷ କାହା କଥା

    କେହି ଯେ ନ ଭାବେ ।

  ସଭ୍ୟ ମଣିଷର ଶିକ୍ଷା ଓ ସଭ୍ୟତା

   କ'ଣ ଶିଖାଉଛି 

    ଆପଣେଇବାକୁ ସ୍ଵାର୍ଥପରତା

  ପର ନିନ୍ଦା ପର ଚର୍ଚ୍ଚାରେ

      ଚାଲେ ଏ ଦୁନିଆଁ

  ଚତୁର୍ଦ୍ଦିଗେ ହିଂସା, ବାଦ,

    ପରଶ୍ରୀକାତରତାର ନିଆଁ ।

  

  ମଣିଷର ଅମାନବୀୟ ଗୁଣ ପାଇଁ

   ଭୋଗେ ଏ ମଣିଷ ଜାତି

   ରୋଗ, ଶୋକ, ଦୁଃଖ

   କେତେବେଳେ ବିଜ୍ଞାନକୁ ଦିଏ ଦୋଷ

   କେବେ ପୁଣି ଧର୍ମ ପ୍ରତି ହୁଏ ବିମୁଖ ।

   ଶାନ୍ତି, ପ୍ରୀତି, ମୈତ୍ରୀ ଠାରୁ

    ଯାଏ ସେ ଦୂରେଇ

  ହିଂସା, ବାଦେ ଭାଇ ମୁଣ୍ଡ 

   କାଟେ ପୁଣି ଭାଇ

  ସଂସାର ମାୟାରେ ଏ ମଣିଷ

   ହୋଇ ବିମୋହିତ

  ଭୁଲିଯାଏ ସେ ଯେ ତା'ର

   ଜ୍ଞାନ ହିତାହିତ ।

  ଚିନ୍ତେ ନାହିଁ କି ଭାଳେ ନାହିଁ

  ତାଙ୍କ ଭବିଷ୍ୟତ ବଂଶଧର କଥା

  ବର୍ତ୍ତମାନରେ ବିଶ୍ଵାସ କରୁଛି ଏବେ

   ଖାଲି ଏ ମଣିଷ ଜାତିଟା ।

  ଖଣି, ଖାଦାନ, ଜଳ, ଜମି,

   ଜଙ୍ଗଲ, ପାହାଡ

  ସବୁ ଲୁଟେ ସବୁ କାଟେ

  ସ୍ଵାର୍ଥ ପାଇଁ ସବୁ ଭୁଲି

  ଧ୍ଵଂସ କରି ପରିବେଶ

   ରଚାଏ ସେ ହାହାକାର ।

  ବୁଦ୍ଧି,ବିବେକ, ଜ୍ଞାନର

   କରି ଅପବ୍ୟବହାର

  ଦୁନିଆଁ ଟାକୁ କରୁଛି ଏ ମଣିଷ

   ଖାଲି ଛାରଖାର

  ବିଜ୍ଞାନକୁ ଦିଏ ଦୋଷ

  ଆଜି ଏ ଦାନବ ରୂପୀ ମଣିଷ

  ବିଜ୍ଞାନ କ'ଣ କହୁଛି ଧ୍ଵଂସିବାକୁ

   ସ୍ଵ ପରିବାର ଓ ପରିବେଶ ?

   ପୁଞ୍ଜିପତି ହେବାର ନିଶା

    ଘାରିଛି ଏ ମଣିଷ ଜାତିକୁ

   ସେ ପାଇଁ ସାଥୀ କରିଛି

   ଗୁଳି, ଗୋଳା, ବନ୍ଧୁକ,

     ଛୁରୀ ଆଉ କାତିକୁ ।

   ଭୁଲିଛି ମଣିଷ ତା'ର

    ନୀତି ଆଉ ଆଦର୍ଶ

   ଅହରହ ବୁଣୁଅଛି 

   ଅନ୍ୟାୟ, ଅନୀତି,

  ଦୁର୍ନୀତି ଓ ଭ୍ରଷ୍ଟାଚାରର ବିଷ

   ଦିନୁଁ ଦିନ ସମାଜ ହୁଏ କଳୁଷିତ

  ନାନା ଦୁରାରୋଗ୍ୟ 

   ଏ ଜାତିକୁ କରେ କବଳିତ ।

  ବନ୍ୟା, ବାତ୍ୟା, 

   ପ୍ରାକୃତିକ ବିପର୍ଯ୍ୟୟେ

    ଧରା ହୁଏ ପ୍ରକମ୍ପିତ

  ତଥାପି ଏ ମଣିଷ ଜାତିଟା

    ନ ଛାଡେ ତା'ର ସ୍ଵାର୍ଥ

   ସ୍ଵାର୍ଥେ ଅନ୍ଧ ହୋଇ

    ବିବେକ ଶୂନ୍ୟ ହୁଅଇ

  ଦ୍ଵନ୍ଦ୍ଵ, ଯୁଦ୍ଧ, ସଂଘର୍ଷେ

     ଯାଇଅଛି ମାତି

  ରଖୁ ନାହିଁ ତା' ଆଦର୍ଶ

     ରଖୁନି ତା' ନୀତି ।

  ଭଲ ମନ୍ଦର ବିଚାର

    ନ କରେ ଆମେ ଆଜି

  ମଣିଷ ବୋଲି କହୁଛେ ନିଜକୁ

  ହେଲେ ମଣିଷ ପଣିଆ 

    ଆମ ଯାଇଛି ହଜି

  ମାନବିକତାକୁ ଆମେ

     ପାଉନେ ଖୋଜି

  ପ୍ରତିଯୋଗିତାରେ ଆମେ ସଭିଏଁ

   ଯାଇଅଛେ ମଜ୍ଜି

   ଅଶାନ୍ତି, ଅବିଶ୍ୱାସ ଓ

    ବିଶୃଙ୍ଖଳା ମଧ୍ୟେ

  ଗତି କରେ ଆମ ଜୀବନ

    ଜୀବିକା ତଥା

  ପରିବାର ଓ ପରିବେଶ ଆଜି

  ସତେ ମଣିଷ ପଣିଆ ଆମ ମଧ୍ୟୁ

   ଯାଇଛି ହଜି ।