Library
ମହା ଶିବ ରାତ୍ରୀ
ମହା ଶିବ ରାତ୍ରୀ
ଓମନମଃ ଶିବାୟ ମୁକ୍ତେଶ୍ବରାୟ
ଆଜି ଉଜାଗର ପରବ
ତ୍ରୀଭୁବନେଶ୍ବର ନୀଳକଣ୍ଠାୟ
ଘେନହେ ଭକତି ଅର୍ଘ୍ୟ ! !
ମହାର୍ଘ୍ୟତିଥିର ଏ'ମହାପ୍ରଦୀପ
ତମଷା କରିବ ଦୂର
ଦିଅ ଶୁଭଆଶିଷ ପ୍ରଭୁ ମହେଶ
ହସିଉଠୁ ମର୍ତ୍ତ୍ୟପୁର ! !
ନୀଳକଣ୍ଠ ବିଘ୍ନେଶ ମହିମା ସତ୍ୟ
ଗରଳ ଆକଣ୍ଠ ମିତ
ବିମୋହିତ ତବକାର୍ଯ୍ୟେ ଦେବଗଣ
ହେ'ପ୍ରଭୁ ଶ୍ମଶାନ ସୁତ ! !
ଭାରତବର୍ଷର ସର୍ବ ଶୈବପୀଠ
ଉତ୍ସବ ମୁଖର ଆଜ
ଆଲୋକେ ସଜ୍ଜିତ ପୁଷ୍ପେ ବିଭୂଷିତ
କୈଳାଶ ନିଳୟ ଭୁଜ ! !
ମହାଶିବରାତ୍ରୀ ସୃଷ୍ଟିରେ ଏ'ଖ୍ୟାତି
ପରଂଦେବ ଜ୍ୟୋତିବ୍ରହ୍ମ
ଆହେ'ଲିଙ୍ଗରାଜ ଆହେ'ଲୋକନାଥ
ଦୂରକର ସର୍ବବିଘ୍ନ ! !
ଭକତ ଜନର ତୁମ୍ଭେହିଁ ପ୍ରିୟର
କୃପାମୟ ପ୍ରଭୁ ବିଭୁ
ରୋଗଶୋକ ଦୁଃଖ କରହେ ହରଣ
ଭକ୍ତଜନ ହସିଉଠୁ ! !
ବ୍ରହ୍ମଲୋକେ ଖ୍ୟାତି ତୁମ୍ଭରି ଶକତି
ସତ୍ୟ ଶିବ ସୁନ୍ଦରମ
ତ୍ରିପୁର ବିଜୟୀ ପ୍ରଭୁ କାଳଜୟୀ
କେ'ହେବ ତୁମରି ସମ ! !
ଆହେ ମୃତ୍ଯୁଞ୍ଜୟ ଭାଗ୍ୟବିଧାୟକ
ପ୍ରଜ୍ଜ୍ଵଳିତ ବହ୍ନିଧାରା
ବ୍ରହ୍ମ ଦୀପଶିଖା ମହିମା ପ୍ରଶାଖା
ଭକତର ସ୍ଵପ୍ନତାରା ! !
ସୁରମ୍ୟ ମନ୍ଦିର ଭକ୍ତି ସମର୍ପଣ
ମୁକ୍ତେଶ୍ବର ଜ୍ଞାନପୀଠ
ଆମ କାରାଆବାସର ବିଭବ ସମ୍ପଦ
ସର୍ବଜନ ପରିତୁଷ୍ଟ ! !
ହେ' ଶିବଶଙ୍କର ପରମ ଈଶ୍ଵର
କରୁଛୁ ବିନତୀ ଅଳି
ଛତ୍ର ଛାୟା ତଳେରଖ ମହାମୟ
ବୋଳି ଦେଇ ତବ ଧୂଳି ! !
ସଦାନନ୍ଦ ସାହୁ , ଧୁରୁଷିଆ , କଟକ !
