ମାତୃଭାଷା

ଓଡ଼ିଆ ବୋଲି ମୁଁ ଗରଵେ କହିବି

ଓଡ଼ିଆ ମୋ ମାତୃଭାଷା

କେତେ ଯେ ସରଳ ଅତି ମଧୁର

ମନେ ଭରେ କେତେ ଆଶା।

ସେହି ଆଶାରେ ମୋ କେତେ ଯେ ଭାଵନା

ହୃଦୟରେ ଭରିଥାଏ

ମନର ଭାବକୁ ପ୍ରକାଶ ପାଇଁକି

ମାତୃଭାଷା କଥା କୁହେ।

ସବୁ ଭାଷା ମଧ୍ୟେ ମୋ ଭାଷା ସୁନ୍ଦର

ସବୁଠାରୁ ଶ୍ରେଷ୍ଠ ସେହି 

ମୋ ଭାଷା ସତେକି ଅତି ଆପଣାର

ବର୍ଣ୍ଣନା ତାହାର ନାହିଁ।

ଜନମ ଲଭିଲି କଥା ମୁଁ କହିଲି

ସେହି ଅଟେ ମୋର ଭାଷା

ସେ ଭାଷାରେ ଅଛି କେତେ ଆତ୍ମୀୟତା

ଶିଖଇ ଯେ ନୂଆ କଥା।

ମାତୃଭାଷା ନେଇ କବି ଓ ଲେଖକ

ଲେଖିଲେ କାବ୍ୟ କବିତା

ପୁଣି ରଚିଗଲେ ଗଳ୍ପ ଏକାଙ୍କିକା

ହୋଇଲେ ଜଗତ ଜିତା।

ଓଡ଼ିଶା ମାଟିରେ ଜନମିଛୁ ଆମେ

ଏ ମାଟି ପବନ ଖାଇ

ତା ପାଣି ପବନ ଆମ ଏ ଜୀବନ

ଆମର ଏ ଜନ୍ମଭୂଇଁ।

ମାତୃଭୂମି ମାତୃଭାଷାରେ ମମତା

ରଖିଥିବା ସଦା ମନ

ଦେଶ ପ୍ରୀତି ଭାଵ ହୃଦେ ଜାଗି ଉଠୁ

ଭାଷାର ରଖିବା ମାନ।