🙏 ମାନବ 🙏

ସାଂପ୍ରତିକ ମାନବ ଆଜି ହୋଇଛି ଖଣ୍ଡିଆ,

ଟିକିଏ ସ୍ୱାର୍ଥ ପାଇଁ ଲାଗେ ବାଡ଼ିଆ ପିଟିଆ ।

ଭୁଲି ସେ ଦୟା କ୍ଷମା ପ୍ରେମ ଆଉ ପୀରତି,

ଆପଣି ନେଇଛି ହିଂସା ଦ୍ୱେଷର କୁଟନୀତି ।

ନିଜ ସ୍ୱାର୍ଥ ପାଇଁ ସେ କାହା ଜୀବନ ନେବାକୁ,

ପଛଘୁଞ୍ଚା ଦେଉନାହିଁ ସେ କହିବା କାହାକୁ ।

ଇର୍ଷା ରେ ଜଳିଯାଏ ପୁଣି ତାର ପୂର୍ଣ୍ଣ ଅଙ୍ଗ,

ଭଦ୍ର ମୁଖା ପିନ୍ଧି ପୁଣି ଦେଖାଏ କେତେ ରଙ୍ଗ ।

ମଦ ମାଂସ ଖାଇ ସେତ ହେଲାଣି ଦାନଵ,

କେ ବୋଲାଇବ ତାଙ୍କୁ ଆଉ ଶାନ୍ତିର ମାନବ ।

ପିତାମାତା ବୃଦ୍ଧ ହେଲେ ଲାଗନ୍ତି ଯେ ବିଷ,

ଘରୁ ଦିଏ ତଡ଼ି ତାଙ୍କୁ ମଣି ଅଲୋଡା ଜିଣିଷ ।

ପରଝିଅ ଦେଖି ବହେ ପାଟିରୁ ତା ଲାଳ,

କରିଦିଏ ସର୍ବନାଶ ହେଲେ ଦେଖେନି ବିକଳ ।

ହାଏରେ ମଣିଷ ତୋରୋ ବୁଦ୍ଧି ନଷ୍ଟ ହେଲା ,

ନିରୀହଙ୍କୁ ମାରିବାକୁ ପୁଣି ହାତ ତୋର ଗଲା ।

ସହିପାରୁ ନାହିଁ ଧରା ଦେଖି ତୋରୋ ଏ ଆଚାର ,

ସବୁ ନଷ୍ଟ କରିଦେବ ମନେ କରେ ସେ ବିଚାର ।

ମାନବ ପାଖରେ ନାହିଁ ଆଉ ମାନବତ୍ଵ ଅଂଶ , 

ଏଥିପାଇଁ ଦିନେ ନିଶ୍ଚେ ସବୁ ପାଇଯିବ ଧ୍ବଂସ ।