ଲକ୍ଷ୍ୟ
ଲକ୍ଷ୍ୟ
1 min
408
ଏକାଗ୍ର ଚିତ୍ତରେ ରହିବୁ ଧନରେ
ନିଜ ଲକ୍ଷ୍ୟ କରି ସ୍ଥିର
ବଳହୀନ ଜନେ ସାହାଯ୍ୟ କରିଲେ
ଦୁନିଆ କହିବ ବୀର ।
ଦୃଢ ମନୋବଳ ରଖିଥିବୁ ଧନ
ପଛଘୁଞ୍ଚା ଦେବୁ ନାହିଁ
ସାହସ ଶକତି ମନେ ଥିବୁ ଭରି
ବିଜୟ ସୋପାନ ସେହି ।
ସତ୍ୟ ଧର୍ମ ପଥେ ରହିବୁ ନିରତେ
ନ୍ଯାୟ ସାଥି ସଦା ହୋଇ
ତେବେ ତୋ ବିକ୍ରମ ଜାଣିବ ଜଗତ
ସନମାନ କେତେ ଦେଇ ।
କରିଲେ ସାଧନା ଜୟୀ ହେବୁ ସିନା
ପୁଷ୍ପିତ ହୋଇବ ପଥ
ବିଜୟ ମଣ୍ଡିତ ହେବୁରେ ନିଶ୍ଚିତ
ଗଡିବ ଜୀବନ ରଥ ।
ହେଲେ ଲକ୍ଷ୍ୟ ଚ୍ଯୁତ ହୋଇବୁ ବିଚ୍ଯୁତ
ଜୀବନରେ ଯିବୁ ହାରି
ଜୀବନର ପଥ ହେବ କଣ୍ଟକିତ
ବୋହୁଥିବ ଅଶ୍ରୁ ବାରି ।