କୃଷ୍ଣ ଚୁଡାର ଛାଇପଡିଲେ .
କୃଷ୍ଣ ଚୁଡାର ଛାଇପଡିଲେ .
କୃଷ୍ଣଚୁଡାର ଛାଇ ପଡିଲେ
ପୋଖରୀ ତୁଠରେ
ତୁମେ ଆସ ଗାଧୋଇ-
ହଳଦୀ ମାଖୀ , ଫୁଲ ପକା ଶାଢ଼ୀଟିଏ ପିନ୍ଧି
ଫଙ୍ଗଳା ପାଦରେ
ମନ୍ଦିର ପାଖ ବଗୁରି ବଣ ରାସ୍ତାରେ ।
କୃଷ୍ଣଚୁଡାର ଛାଇ ପଡିଲେ ପୋଖରୀ ତୁଠରେ ।
ତୁମେ କେବେଠୁ ଭୁଲିଛ ତୁମ ଚଲା ପଥ
ନାଁ ତୁମେ କେବେ ନେଇଛ ଖବର
ନାଁ ମୁଁ କେବେ ଦେଇଛି ଖବର ,
ନାଁ ସୁଖରେ , ନାଁ ଦୁଃଖରେ
ନାଁ ସମୟରେ ନାଁ ଅସମୟରେ ।
ସଜାଇ ରଖିଛି ତୁମ ଖୁସି ସବୁ
ଏଇ ମୋର ଛୋଟ ହୃଦୟରେ ,
ପଢିବାକୁ କେବେ ଚେଷ୍ଟାଜେ କରିନ
ମୋର ଭାବନା, ଭାଷାକୁ ଥରେ ।
ଚାଲିଗଲ କେଉଁ ଅଫେରା ନୀଡ଼କୁ
ନିଜ ଅସ୍ତିତ୍ବର ଅନୁସନ୍ଧାନରେ ,
ଆଜିବି ଚାହିଁଚି ଚାତକ ପରି ,
ଜୀବନ ଗଳିର ଛାଇ ଆଲୁଅରେ
ତୁମେକି ଫେରିବ ଅଭିମାନୀ ନଦୀ ତୀରେ
କୃଷ୍ଣ ଚୁଡାର ଛାଇ ପଡିଲେ ପୋଖରୀ ତୁଠରେ ।