କନ୍ୟା ରତ୍ନ
କନ୍ୟା ରତ୍ନ
ମାଆ ହେଇ ଯଦି ନିଜ ଝିଅକୁ
ଖାଇବାରେ ବିଷ ଦିଏ
କହରେ ଦୁନିଆ ଏ କଳି କାଳରେ
କେମିତିକା ମାଆ ସିଏ ?
ବାପ ହେଇ ଯଦି ଝିଅର ମନକୁ
ନପାରେ ଯଦି ସେ ବୁଝି
ବାପର ନାଁ ରେ ପାପ ନୁହଁ କି
ଏ ଯୁଗ ପାଇଁ ସେ ଆଜି ?
ମାଆ ବାପା ଦୁହେଁ ଦେବତା ରୂପରେ
ସଂସାରେ ପାଆନ୍ତି ପୂଜା
ଭଲ ମନ୍ଦ ଭୁଲି କାହିଁକି ତାହେଲେ
ଝିଅକୁ ଦିଅନ୍ତି ସଜା ?
ଭୁଲି ଯାଉଛନ୍ତି ସେମାନେ ବୋଧେ
ତାଙ୍କର ସେ ଅତୀତକୁ
ଭଲ ହେଇଥାନ୍ତା ତାଙ୍କ ବାପା ମାଆ
ମାରି ଦେଇ ଥିଲେ ତାଙ୍କୁ ।।
ଦୁଇ କୂଳର ହିତା ବୋଲି ସିଏ
ସବୁ ଦୁଃଖ ଯାଏ ସହି
ତା ଆଖିରୁ ଯଦି ଲୋତକ ଝରେ
ସବୁ ସୁଖ ଯିବ ଧୋଇ ।।
କନ୍ୟା ରତ୍ନ ଅଟେ ଅମୂଲ୍ୟ ରତ୍ନ
କରହେ ତାକୁ ସମ୍ମାନ
ସୁଖମୟ ହେବ ଜୀବନ ଜୀବିକା
ପ୍ରାପ୍ତି ହେବ ଧନ ଜନ ।।