କଳୁଷିତ : ଓଁ-କାର

ଆଦି ଶୃଷ୍ଟି-କାଳେ-

ଅସୀମ ଅଂଧାରେ,

ଓଁ-କାର ନାଦେ,

ଶୂନ୍ୟ-ବ୍ରହ୍ମ କ୍ରୋଡ-

ଯେବେ ହେଲା-

ଗୁଂଜରିତ,

ଉଦ୍ଭାସିତ ହେଲା,

ଆଦ୍ୟ-ଦିବ୍ୟାଲୋକ,

ଉଜ୍ଜ୍ବଳି-ଉଠିଲା-

ଆଦିଗଂତ,

ଦଶ-ଦିଶ,

ମହାଂଧକାରେ,

ଶୂନ୍ୟତା'ର-

ଅସୀମ ପରିବ୍ୟାପ୍ତ-ବୁକୁ,

ସଂଚରି-ଗଲା-

ସେ ନାଦ-

ଶୂନ୍ୟ'ରୁ ମହା'ଶୂନ୍ୟ,

ଆଉ ତା ଆର-ପାରି'ର-

ନିବିଡ ଅଂଧକାର' ଠୁ--

ଅସୂର୍ଯ ଉପତ୍ୟକା ପର୍ଯଂତ,

ସ୍ପର୍ଶ-ହୀନ, ରଂଗ-ହୀନ-

ଅନଂତ ମହାକାଶ'ର-

ବିଲୀନତା ପର୍ଯନ୍ତ,

ଅଣୁ'ରୁ- ପରମାଣୁ-

ସୃଷ୍ଟିର ମହା'ଯଞେ-

ଧୂପିତ-

ଦେବ-ଗଂଧେ-

ମହାଶୂନ୍ୟ-କାୟା,

ହୁଳ'ହୁଳି ଦେଲେ ଦିଗାଂଗନା,

ସୃଷ୍ଟି ହେଲା-

ପ୍ରଥମ-ଅଂଡ-

ବ୍ରହ୍ମାଣ୍ଡ,

ପରମାଣୁ'ର-

ପ୍ରଚଂଡ ବିଷ୍ଫୋଟ'ର

ପ୍ରତିଧ୍ଵନୀ'ରେ

ଭୂ'କଂପ-ନାଦର

ଅନୁସ୍ୱର ରୁପେ,

ମୂମୂର୍ଷୁ'ର ଅବଲୁପ୍ତ-

ଆରତ ସ୍ୱର'ରେ,

ଅସ୍ତ୍ର'ର ଝନତ୍'କାରେ,

ଗୁଳି-ଗୋଳା'ର ଶବଦେ,

ଝିଁକାରି'ର ଝିଁ-ଝିଁ ସ୍ୱରରେ,

ଆଦି-ନାଦ-

ଓଁ-କାର-

ଅପ୍ରତିହତ ଓ-

ନିତ୍ୟ-ବିଦ୍ୟମାନ,

ପିଂଡ'ରୁ-ବ୍ରହ୍ମାଂଡ,

ଏଇ କି ସେ-

ଓଁ-କାର ନାଦୁ ସୃଷ୍ଟ-

ମାନବ....?

ଜୀବ-ପୋଷଣେ-

ଫଳ-ମୂଳ ଖାଇ,

ସଂଚୁ'ଥିଲା-

ପଥର-ଗୁହା'ରେ..?

ଖୋଜୁ'ଥିଲା-

ବଂଚିବା'ର ମାନେ..?

ଆଜି ବିଷ୍ଫୋରଣ'ର-

ଉତ୍କଟ ଶବଦେ,

ମୂମୂର୍ଷୁ'ର ଆର୍ତନାଦ'ରେ,

ନୀରିହ-ଜୀବ'ର-

ବଦ୍ଧ-ଭୂମି'ରେ,

କୋମଳ-ଶିଶୁ'ର କ୍ରଂଦନରେ

ଖୀର'ଭରା-ସ୍ତନା ମାଆ'ର-

ଧର୍ଷିତା ଉଲଂଗ-ଦେହ'ରେ,

ଓଁ-କାର-

କଳୁଷିତ-କଳଂକିତ...

ହେ ସ୍ରଷ୍ଟା

ଫେରାଇ ନିଅ,

ଏ ସୃଷ୍ଟି'କୁ-

ତିମିରାଚ୍ଛନ୍ନ ତୁମ-ଅସୂର୍ଯ ଜଠରେ ।

ନୟନ