କଲାକାହ୍ନୁ ତକେ ଡାକୁଛେ
କଲାକାହ୍ନୁ ତକେ ଡାକୁଛେ
1 min
4.7K
ତୋର୍ ଢେଲାଢେଲା ଆଏଁଖନେ
ନାଇଁ ଦେଖି ପାରବାର୍ କେ
ମୋର୍ ଆଖିର୍ ଲୁହୁକେ
ଛାତି ଫଟା କନ୍ଦନାକେ ।
ଜାନିଜାନି କାଏଁ ଯେ
ତୁଇ ତୁମ୍ ପରି ଦେଉଛୁ
ସୁନିସୁନି କାଏଁ ଯେ
କାନ ଚୁଟି ଦେଉଛୁ ।
ଦିନେ ନାଇଁସେ ଛନେ ନାଇଁସେ
କେତେ ଦିନୁ ଭୁକେ ରହିଛେ ମୁଇଁ
ମାଁକେ ନେଲୁ ବୁଆକେ ନେଲୁ
କେବେ ମକେ ନେବୁରେ ତୁଇ ।
ଏକ୍ଲା ଚାଲିଚାଲି ହିଟି ପରୁଛେ
ଗୁଡେ ରକତ୍ ବୁହି ଯାଉଛେ
ମୋର୍ ଦୁଖ୍ ନାଇଁ ଦିସ୍ ବାରକେ
କଲାକାହ୍ନୁ ତକେ ଡାକୁଛେ ।
ଡିସମ୍ୱର ମେହେର
ନୂଆପଡା