କି ଅଦ୍ଭୁତ ଲୀଳା ନାଥ

କଳାକାହ୍ନୁଙ୍କର ବାଲ୍ୟଲୀଳା ଦେଖି

କୈଳାସୁ ଓହ୍ଲେଇ ଆସି ,

ବାଳ ଚପଳତା କରୁଅଛ ପ୍ରଭୋ

ବତ୍ସା ନିକଟରେ ବସି ।

କେଡ଼େ ମନୋହର ରୂପ

ବେନି ନୟନରେ ଦେଖି ସେ ପାରିବ

କରିଥିବ ଯିଏ ତପ !!

ଜିତେନ୍ଦ୍ରିୟ ବୋଲି ରହିଅଛି ଖ୍ୟାତି

ଯୋଗୀଙ୍କର ତୁମେ ଯୋଗୀ ,

ଏ କେଉଁ କାମନା ଭୋଇଗଲା ଭାରୀ

ଆସିଅଛ ଯାହା ଭୋଗୀ ।

ଦୁଧ,ସର ଭୁଞ୍ଜିବାକୁ

ଆସିଅଛ କିବା ରାମ,କୃଷ୍ଣ ସଙ୍ଗେ

ଦୈତ୍ୟ ଦର୍ପ ଗଞ୍ଜିବାକୁ !!

ଏ ଧରଣୀ ମାତା ଅତି ଆନନ୍ଦିତା

ତୁମକୁ କୋଳରେ ଧରି ,

ଆଦି ଅନ୍ତ ନାହିଁ ଯା'ର ଏ ସଂସାରେ

ଆଜି ଶିଶୁଟିଏ ପରି ।

କି ଅଦ୍ଭୁତ ଲୀଳା ନାଥ

ତୁମେ ବି ଗୋପାଳ ହୋଇ କି ଗୋକୁଳେ

କରିବ ଗୋରୁଙ୍କ ହିତ !!