ଖାଲି ନାମ ହିଁ ଯଥେଷ୍ଟ

ଖାଲି ନାମ ହିଁ ଯଥେଷ୍ଟ 

ଯେ ନାମ ଧରିଲେ ପଙ୍ଗୁ ଲଙ୍ଘେ ଗିରି

ଯେ ନାମ ସ୍ମରିଲେ ପାପୀ ଯାଏ ତରି

ଖାଲି ଉଚ୍ଚାରଣ ନାମଟି ଯଥେଷ୍ଟ

ଯାର ମାହାତ୍ମ୍ୟରେ କପି ହେଲା ଶ୍ରେଷ୍ଠ

ଦସ୍ୟୁ ଦିନେ ରଚି ଦେଲା ଇତିହାସ

ସ୍ଵର୍ଣ୍ଣ ଅକ୍ଷରରେ ହେଲା ଲିପିବଦ୍ଧ

ସିଏ ହିଁ ବିବାଦ ସିଏ ହିଁ ପ୍ରଚେଷ୍ଟା

ସିଏ ବି ସିଦ୍ଧାନ୍ତ ପୁଣି ସଫଳତା

କେତେ ବିବାଦରେ ଦିନଟି ଆଜିର

ସେ ହିଁ ଫଳ ଦା ତା ଆମେ ସବୁ ଛାର

ସିଏ ହିଁ ଇଙ୍ଗିତ ଏତେ ବିପ୍ଳବର

ସ୍ମରଣୀୟ ହେଲା ଦିନଟି ଆଜିର

ସୃଷ୍ଟି ଆରମ୍ଭରୁ ସେହି ଏକା ସତ୍ୟ

ଶ୍ୟାମଳ ତନୁରେ ହାତରେ କୋଦଣ୍ଡ

ଶେଷ ନାଗ ସହ ପ୍ରଭୂ ଲୀଳାମୟ

ସାରା ବିଶ୍ୱ ପାଇଁ ସେ ହିଁ ବନ୍ଦନୀୟ

ସେ ହିଁ ଭାବର ସୁଅ ଲେଖନୀକୁ

ଝରି ଗଲେ ଋଷି ବାଲ୍ମିକୀ ପାଖକୁ

ମର୍ଯ୍ୟାଦା ପୁରୁଷ ପ୍ରଭୂ ରଘୁବୀର

ଏ ଘୋର ବିପଦେ ଜଗତ ଉଦ୍ଧାର

ଅବର୍ଣ୍ଣନୀୟ ସେ ନାମର ମାହାତ୍ମ୍ୟ

ନାମ ଉଚ୍ଚାରଣ ସେତିକି ଯଥେଷ୍ଟ